VVPAT କୁ ନେଇ ସୁପ୍ରିମକୋର୍ଟ ପହଂଚିଲେ ୨୧ ଟି ବିପକ୍ଷ ଦଳ ! ଗୋଟିଏ ମିନିଟରେ ଯାଚିକା ଖାରଜ କଲେ କୋର୍ଟ
ଲୋକସଭା ନିର୍ବାଚନ ପାଇଁ କାଉଣ୍ଟିଙ୍ଗ୍ ସମୟରେ ୫୦ % ଭିଭିପେଟ୍ ର ଚିରକୁଟି ମିଳିଥିବା ଯାଚିକାକୁ ସୁପ୍ରିମକୋର୍ଟ ଗୋଟିଏ ମିନିଟରେ ଖାରଜ କରି ଦେଇଛନ୍ତି । ୨୧ ବିପକ୍ଷଦଳ ପୂର୍ବ ୩ ଚରଣର ମତଦାନରେ ସାମ୍ନାକୁ ଆସିଥିବା ଇଭିଏମ୍ ରେ ଗଡବଡ ମାମଲା କଥା କହି ୫୦ ପ୍ରତିଶତ ଭିଭିପେଟ୍ ଚିରକୁଟି ମିଳିଥିବା କଥା କହି ପୁନଃର୍ବିଚାର ଯାଚିକା ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ମୁଖ୍ୟ ନ୍ୟାୟାଧିଶ ରଂଜନ ଗୋଗୋଇ ବିପକ୍ଷ ଦଳ ଯାଚିକାକୁ ଖାରଜ କରି କହିଛନ୍ତି ଯେ କୋର୍ଟ ବାରାମ୍ବାର ଗୋଟିଏ କଥାକୁ କାହିଁକି ଶୁଣିବେ ? ସେ ଏହି ମାମଲାରେ ମୁଣ୍ଡ ପୁରାଇବାକୁ ଚାହୁଁନଥିବା କଥା ମଧ୍ୟ ପ୍ରକାଶ କରିଛନ୍ତି । ସୁପ୍ରିମକୋର୍ଟଙ୍କ ଏଭଳି ନିଷ୍ପତ୍ତିରେ ନ୍ୟାସନାଲ୍ କନଫ୍ରେନ୍ସର ନେତା ଫାରୁକ୍ ଅବଦୁଲ୍ଲା କହିଛନ୍ତି ଯେ ଆମ ଲକ୍ଷ୍ୟ ଥିଲା ଯେ ପ୍ରତିଟି ଦଳ ପାଇଁ ନିର୍ବାଚନ ନିରପେକ୍ଷ ହେଉ । କିନ୍ତୁ ଆମେ ଅଦାଲତଙ୍କ ନିଷ୍ପତ୍ତିକୁ ସମ୍ନାନ ଦେଉଛୁ ।
ଯାଚିକା ଦାୟର୍ କରିଥିବା ଦଳ :
ସୁପ୍ରିମକୋର୍ଟରେ ଯାଚିକା ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଏନ୍ . ଚନ୍ଦ୍ରବାବୁ ନାଇଡୁ (ଟିଡିପି) , ଶରଦ୍ ପାୱାର (ଏନସିପିି) , ପାଋକ୍ ଅବଦୁଲ୍ଲା (ଏନସି) , ଶରଦ୍ ଯାଦବ (ଏଲଜେଡି) , ଅରବିନ୍ଦ କେଜରିୱାଲ୍ (ଆପ୍), ଅଖିଲେଶ୍ ଯାଦବ (ସପା) , ଡେରେକ୍ ଓବ୍ରାୟନ୍ (ଟିଏମସି) ଏବଂ ଏମ୍ .କେ.ଷ୍ଟାଲିନ୍ (ଡିଏମକେ) ପକ୍ଷରୁ ଏହି ଯାଚିକା ଦାୟର୍ କରାଯାଇଥିଲା ।