ଏକଜିଟ୍ ପୋଲ୍ କାଉଣ୍ଟ ଡାଉନ୍ ଆରମ୍ଭ । ଚଳିତ ଥର କିଏ ଗଢିବ ସରକାର, ଆଉ କିଛି ସମୟ ପରେ ମିଳିବ ସଙ୍କେତ ।
କନକ ବ୍ୟୁରୋ : ଦେଶରେ ଚଳିତଥର କିଏ ଗଢିବ ସରକାର । ଏହି ପ୍ରଶ୍ନର ଉତ୍ତର ଜାଣିବା ପାଇଁ ଏବେ ସମସ୍ତଙ୍କ ମନରେ ଉତ୍କଣ୍ଠା ବଢୁଛି । ୧୯ ଯୁଦ୍ଧରେ କିଏ ପିନ୍ଧିବ ବିଜୟର ଟିକା, ସେନେଇ ଆଜି ଏକ ପ୍ରତିଛବି ଦେଖିବାକୁ ମିଳିବ । ଅର୍ଥାତ ଆସନ୍ତା ୨୩ରେ ମତଗଣନା ହେବା ପୂର୍ବରୁ ଆଜି ଆସିବ ଏକଜିଟ୍ ପୋଲ୍ ରିପୋର୍ଟ । ଭୋଟ୍ ଦେବା ପରେ କ’ଣ ରହିଛି ଭୋଟରଙ୍କ ପ୍ରତିକ୍ରିୟା, ସେହି ଆଧାରରେ ହେବ ଜିତିବା ହାରିବା ନେଇ ଆକଳନ ।
Kanak News is now on WhatsApp
Join and get latest news updates delivered to you via WhatsApp
ଆଜି ଦେଶରେ ଅନ୍ତିମ ପର୍ଯ୍ୟାୟ ନିର୍ବାଚନରେ ମତଦାନ ପ୍ରକ୍ରିୟା ଜାରି ରହିଥିବା ବେଳେ, ଆଉ କିଛି ସମୟ ପରେ ସାମ୍ନାକୁ ଆସିବ ଏକଜିଟ୍ ପୋଲ ରିପୋର୍ଟ ବା ବୁଥ୍ ବାହୁଡା ମତ । ଚଳିତ ନିର୍ବାଚନରେ ଦେଶରେ କିଏ ଗଢିବ ସରକାର, ରାଜନୀତିର ରଣାଙ୍ଗନରେ କାହାର ହେବ ଜୟ ଜୟକାର, ସେନେଇ ସ୍ପଷ୍ଟତାର ଏକ ଛବି ଦେଖିବାକୁ ମିଳିବ । ଯେତେବେଳେ ପାଖାପାଖି ସ୍ପଷ୍ଟ ହୋଇପାରେ, ଜନମତ କାହା ସପକ୍ଷରେ ଯାଇଛି । କେଉଁ ନେତାଙ୍କୁ ଭରସିଛନ୍ତି ଭୋଟର ଆଉ କିଏ ବସିବ ସିଂହାସନରେ ?