ଲୋକସଭା ନିର୍ବାଚନ ୨୦୧୯ : ପ୍ରଧାନମନ୍ତ୍ରୀ ମୋଦିଙ୍କୁ ବିରୋଧ କରିବାକୁ ଯାଇ ବେରୋଜଗାର ହେଲେ ହାର୍ଦ୍ଦିକ ପଟେଲ୍ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ମୁଁ ବି ଚୌକିଦାର’ ଅଭିଯାନର ଜବାବରେ ହାର୍ଦ୍ଦିକ ପଟେଲ୍ ‘ବେରୋଜଗାର’ ହୋଇଯାଇଛନ୍ତି । ଯେଉଁପ୍ରକାରର ‘ମୁଁ ବି ଚୌକିଦାର’ ଅଭିଯାନକୁ ସମର୍ଥନ କରିବାକୁ ଯାଇ ସୋସିଆଲ୍ ମିଡିଆରେ ସମସ୍ତେ ନିଜ ନାଁ ଆଗରେ ଚୌକିଦାର ଲଗାଇଛନ୍ତି । ସେହିଭଳି ହାର୍ଦ୍ଦିକ ନିଜ ନାଁ ଆଗରେ ବେରୋଜଗାର ଶବ୍ଦଟିକୁ ଲଗାଇଛନ୍ତି । ଏଭଳି ଭାବେ ଦେଶରେ ବଢୁଥିବା ବେରୋଜଗାରି ସମସ୍ୟାକୁ ନେଇ ହାର୍ଦ୍ଦିକ ମୋଦି ସରକାରଙ୍କୁ ଘେରିବାକୁ ଚେଷ୍ଟା କରିଛନ୍ତି । ଟ୍ୱିଟର ୟୁଜର୍ସଙ୍କ ଭିତରେ ହାର୍ଦ୍ଦିକ ପଟେଲଙ୍କ ଏଭଳି ପଦକ୍ଷେପ ଉପରେ ଚର୍ଚ୍ଚା ଜୋର୍ ଧରିଛି । ତେବେ ଏହି ପଦକ୍ଷେପକୁ ନେଇ ଉଭୟ ବିରୋଧ ଏବଂ ସମର୍ଥନ ଦେଖାଦେଇଛି । ତେବେ ଆପଣଙ୍କୁ କହିରଖୁଛୁ ହାର୍ଦ୍ଦିକ ଗତ କିଛି ବର୍ଷ ହେଲା ବିଜେପି ନୀତିକୁ ବିରୋଧ କରି ଆସୁଛନ୍ତି । ପାଟିଦାର ଆନ୍ଦୋଳନରୁ ଚର୍ଚ୍ଚିତ ହୋଇଥିବା ହାର୍ଦ୍ଦିକ ପଟେଲ ନିକଟରେ କଂଗ୍ରେସରେ ମିଶି ଲୋକସଭା ନିର୍ବାଚନ ଜିତିବାକୁ ଆଗ୍ରହୀ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଆରମ୍ଭ କରାଯାଇଥିବା ‘ମୁଁ ବି ଚୌକିଦାର’ ଅଭିଯାନର କଥା କହିଲେ ସୋସିଆଲ୍ ମିଡିଆରେ ଏହାକୁ ଅଧିକ ସଂଖ୍ୟାୋର ସମର୍ଥନ ମିଳିଛି । ବିଜେପିର ନେତା ଏବଂ ସମର୍ଥକ ତଥା କିଛି ସାଧାରଣ ଟ୍ୱିଟର ୟୁଜର ମୋଦିଙ୍କୁ ସମର୍ଥନ କରି ନାଁ ଆଗରେ ଚୌକିଦାର ଶବ୍ଦଟିକୁ ଲଗାଇଛନ୍ତି ।