ଦିଲ୍ଲୀରେ ଆଜିଠୁ କୋହଳ ହେଲା ଲକଡାଉନ୍ । ଖୋଲିଲା ଦୋକାନ ବଜାର, ଚାଲିଲା ମେଟ୍ରୋ । 

78

କନକ ବ୍ୟୁରୋ: କରୋନା କାଳରେ ଦିଲ୍ଲୀରେ କେମିତି ଖୋଲିବ ଦୋକାନ ଓ ମଲ୍ ତା ପାଇଁ ନିୟମ କରିଛନ୍ତି ଦିଲ୍ଲୀ ସରକାର । ହେଲେ ଏହାସହ ଦୋକାନ କାନ୍ଥରେ ମରା ହୋଇଛି ଅଡ୍ ଏବଂ ଇଭିନ୍ ପୋଷ୍ଟର । କେବଳ ସେତିକି ନୁହେଁ ସାମାଜିକ ଦୂରତା ରକ୍ଷା ପାଇଁ ଦୋକାନ ଗୁଡିକ ଆଗରେ ଗରାଖଙ୍କ ଠିଆ ହେବାକୁ ଚିହ୍ନ ବି ଦିଆଯାଇଛି । ଆଉ ଏହାରି ଭିତରେ ବଡ ଭୂମିକା ନେଇଛି ଦିଲ୍ଲୀ ପୋଲିସ । ଲୋକମାନେ କିଭଳି ନିୟମକୁ ଠିକ୍ ଭାବେ ପାଳନ କରିବେ ସେନେଇ ଦୃଷ୍ଟି ରଖାଯାଇଛି ।

ଦିଲ୍ଲୀର ଅନ୍ୟତମ ବ୍ୟସ୍ତ ବହୁଳ ଅଂଚଳ ହେଉଛି ଚାନ୍ଦିନୀ ଚୌକ ମାର୍କେଟ୍ । ଅନଲକ ପରେ ଦୋକାନ ଖୋଲିବାକୁ ଦିଲ୍ଲୀ ସରକାର ତ ନିୟମ କରିଦେଲେ , ହେଲେ ଏହାକୁ ଏହି ଅଂଚଳରେ କେତେ ପାଳନ କରାଯାଉଛି , ତାହାର ସ୍ଥିତି ଦେଖିବାକୁ ନିଜେ ଚାନ୍ଦିନୀ ଚୌକ ବଜାରରେ ପହଁଚି ଯାଇଥିଲେ ଦିଲ୍ଲୀ ପୋଲିସ କମିଶନର । ସ୍ଥାନୀୟ ଅଂଚଳରେ କରୋନା ଗାଇଡ ଲାଇନ ପାଳନ ସହ ବ୍ୟବସାୟୀ କିପରି ନିୟମକୁ ସହଯୋଗ କରୁଛନ୍ତି ସେନେଇ ସେ ସ୍ଥିତି ଦେଖିଥିଲେ ।

ସେପଟେ କଟକଣା ଭିତରେ ଦିଲ୍ଲୀରେ ମେଟ୍ରୋ ବି ଖୋଲିଛି । ଦିଲ୍ଲୀରେ ଗମନାଗମନର ଲାଇଫ୍ ଲାଇନ୍ ଖୋଲିଯିବା ପରେ ଏହାକୁ ନେଇ ଖୁସିପ୍ରକାଶ କରିଛନ୍ତି ଦିଲ୍ଲୀ ବାସୀ । କରୋନା ସମୟରେ ଦିଲ୍ଲୀରେ ଜନ ଜୀବନ ସ୍ୱାଭାବିକ କରିବାକୁ ଏହି ଅନଲକ ବ୍ୟବସ୍ଥାରେ ଲୋକଙ୍କୁ ଆଶ୍ୱସ୍ତିର ନିଶ୍ୱାସ ମାରିବାକୁ ଦେଇଛି ।

Comments are closed.