ମହାରାଷ୍ଟ୍ରରେ ବେକାବୁ ହେଲାଣି କରୋନା । ଲାଗିପାରେ ସମ୍ପୂର୍ଣ୍ଣ ଲକଡାଉନ୍ । ଆଜି ଲକଡାଉନ୍ ନେଇ ନିଷ୍ପତ୍ତି ନେଇପାରନ୍ତି ଉଦ୍ଧବ ସରକାର ।
କନକ ବ୍ୟୁରୋ: ମହାରାଷ୍ଟ୍ରରେ ବେକାବୁ ହେଲାଣି କରୋନା ସ୍ଥିତି । ଏହାକୁ ନେଇ ଆଜି ମହାରାଷ୍ଟ୍ର ସରକାର ନେଇପାରନ୍ତି ବଡ ନିଷ୍ପତି । ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଆଉ କିଛି ସମୟ ପରେ ଏହାକୁ ନେଇ ବଡ ନିଷ୍ପତି ନେବେ । ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ସହିତ ଏନେଇ ଆଲୋଚନା କରିଛନ୍ତି ଉଦ୍ଧବ ଠାକରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ମହାରାଷ୍ଟ୍ରରେ ଏବେ ପୁରା ଲକଡାଉନ୍ ଲାଗୁ କରିବାକୁ ଉଦ୍ଧବ ସରକାର ନିଷ୍ପତି ନେବାକୁ ଯାଉଥିବା ଅନୁମାନ କରାଯାଉଛି । କାରଣ କରୋନା ଗାଇଡଲାଇନକୁ ଅତି ଶକ୍ତ ଭାବରେ ପାଳନ କରି ରାଜ୍ୟରେ ବଢୁଥିବା କରୋନା କୁ ନିୟନ୍ତ୍ରଣକୁ ଆଣିବାକୁ ଠାକରେ ସରକାର ଯୋଜନା କରିଛନ୍ତି । ଏନେଇ ପୁରା ତିଆରି ସରିଛି ଡ୍ରାଫ୍ଟ । କେବଳ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଅନୁମୋଦନକୁ ଅପେକ୍ଷା ।
ଅନ୍ୟପଟେ ଡାକ୍ତରଖାନା ଗୁଡିକୁ ଆବଶ୍ୟକ ପରିମାଣର ଅକ୍ସିଜେନ୍, ଔଷଧ, ରେମଡିସେଭର ସହିତ କରୋନା ମୁକାବିଲାର ଅନ୍ୟ ସମସ୍ତ ସାମଗ୍ରୀ ମହଜୁଦ୍ ରଖିବାକୁ ସରକାର ନିର୍ଦ୍ଦେଶ ଦେଇଛନ୍ତି । ଆଜି ସାଢେ ୮ଟାରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏନେଇ ଘୋଷଣା କରିବେ । ବର୍ତମାନ ଦେଶରେ ଦୈନିକ ସଂକ୍ରମଣର ଅଧାରୁ ଅଧିକ ମହାରାଷ୍ଟ୍ରରୁ ଆସୁଥିବାରୁ , ରାଜ୍ୟର ସ୍ଥିତି ଅତି ସଂକଟଜନକ ରହିଛି ।