ତାମିଲନାଡୁରେ ପୁଣି ଗୋଟିଏ ସପ୍ତାହ ପାଇଁ ପୂର୍ଣ୍ଣ ଲକଡାଉନ ଘୋଷଣା କଲେ ସରକାର । ଜାଣନ୍ତୁ କଣ ଖୋଲା, କଣ ବନ୍ଦ
କନକ ବ୍ୟୁରୋ : କରୋନା ସଂକ୍ରମଣକୁ ନିୟନ୍ତ୍ରଣ କରିବାକୁ ତାମିଲନାଡୁ ସରକାର ରାଜ୍ୟରେ ଲାଗୁ ହୋଇଥିବା ସମ୍ପୂର୍ଣ୍ଣ ଲକଡାଉନ ଅବଧିକୁ ପୁଣି ଗୋଟିଏ ସପ୍ତାହ ବୃଦ୍ଧି କରିଛନ୍ତି । ମୁଖ୍ୟମନ୍ତ୍ରୀ ଷ୍ଟାଲିନ୍ ପାର୍ଟି ଓ ସ୍ୱାସ୍ଥ୍ୟ ବିଶେଷଜ୍ଞଙ୍କ ସହିତ ବିଚାର ବିମର୍ଷ ପରେ ଏଭଳି ନିଷ୍ପତ୍ତି ନେଇଛନ୍ତି । ମେ ୨୪ ତାରିଖରେ ରାଜ୍ୟରେ ଲକଡାଉନ ଶେଷ ହେବାକୁ ଥିବା ବେଳେ ପୁଣି ଏହି ଅବଧିକୁ ଆଗକୁ ଗୋଟିଏ ସପ୍ତାହ ପାଇଁ ବୃଦ୍ଧି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ଲାଗୁ କରାଯାଇଥିବା ସମ୍ପୂର୍ଣ୍ଣ ଲକଡାଉନ ସମୟରେ ଫାର୍ମାସୀ, ମେଡିକାଲ ଷ୍ଟୋର,ପଶୁ ଡାକ୍ତରଖାନା, ଦୁଗ୍ଧ, ପାଣି ଭଳି ଜରୁରୀ ଅବଶ୍ୟକ ଦୋକାନ ଖୋଲା ରହିବା ସହ ଏହାର ପରିବହନକୁ ମଞ୍ଜୁରୀ ଦିଆଯାଇଛି । ଏହି ସମୟରେ ଖବର କାଗଜ ବିତରଣ ଓ ପ୍ରେସ ଖୋଲା ରହିବ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ଏହି ଲକଡାଉନ ସମୟରେ ଫଳ ଓ ପନିପରିବା ଦୋକାନ ବନ୍ଦ ରହିବ ବୋଲି କୁହାଯାଇଛି । ଅନ୍ୟପଟେ ଲୋକଙ୍କ ଆବଶ୍ୟକତାକୁ ନଜରରେ ରଖି ରାଜ୍ୟ ସରକାରଙ୍କ ତରଫରୁ ଭ୍ରାମ୍ୟମାଣ ଦୋକାନ ସହାୟତାରେ ଏସବୁ ଲୋକଙ୍କ ନିକଟରେ ପହଂଚାଯିବ । ଏହାସହ ରବିବାର ସକାଳ ୬ ରୁ ରାତି ୯ ଟା ଯାଏ କିଛି ଦୋକାନ ଖୋଲା ରହିବ ବୋଲି କୁହାଯାଇଛି ।
The lockdown Implemented in Tamil Nadu is further extended for the period of one week from 24.05.2021 without any relaxation. Only the following activities will be allowed –
Pharmacies, Veterinary Pharmacies. Milk supply, drinking water and daily newspaper distribution.
— ANI (@ANI) May 22, 2021
କହିରଖୁ କି ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧୭ ଲକ୍ଷ ୭୦ ହଜାର ୯୮୮ ରେ ପହଂଚିଛି । ଏବେ ୨ ,୭୪,୬୨୯ କୁ ବୃଦ୍ଧି ପାଇଛି ।