କନକ ବ୍ୟୁରୋ: ମହାମାରୀ କରୋନା ଭାଇରସକୁ ଆୟତ୍ତ କରିବା ପାଇଁ ପୁଣେରେ ରାତ୍ରିକାଳୀନ କର୍ଫ୍ୟୁ ଜାରି ହୋଇଛି। ପୁଣେରେ ପୁଣି ଥରେ ରାତି ୧୧ଟାରୁ ସକାଳ ୬ଟା ପର୍ୟ୍ୟନ୍ତ କର୍ଫ୍ୟୁ ଜାରି କରିଛନ୍ତି ମହାରାଷ୍ଟ୍ର ସରକାର। ସେହିପରି ହୋଟେଲ୍ ଓ ବାରଗୁଡ଼ିକ ରାତି ୧୦ଟାରୁ ସକାଳ ୬ଟା ପର୍ୟ୍ୟନ୍ତ ବନ୍ଦ ରହିବ। ଏହାସହ ମାର୍ଚ ୩୧ ତାରିଖ ପର୍ୟ୍ୟନ୍ତ ସହରର ସମସ୍ତ ସ୍କୁଲ୍, କଲେଜ୍ ବନ୍ଦ ରହିବ ବୋଲି ସୂଚନା ରହିଛି। ମଲ୍ ଓ ଥିଏଟର୍ ଆଦି ରାତି ୧୦ଟା ସୁଦ୍ଧା ବନ୍ଦ ହେବାକୁ ଥିବା ବେଳେ ପାର୍କଗୁଡ଼ିକ ସଂଧ୍ୟାରେ ବନ୍ଦ ରହିବ ବୋଲି ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଅକୋଲା ପ୍ରଶାସନ ଶୁକ୍ରବାର ସଂଧ୍ୟାରୁ ସହରରେ ଲକ୍ଡାଉନ୍ ଘୋଷଣା କରିଛି। ଶୁକ୍ରବାର ରାତି ୮ଟାରୁ ସୋମବାର ସକାଳ ୮ଟା ପର୍ୟ୍ୟନ୍ତ ଅକୋଲାରେ ଲକ୍ଡାଉନ୍ ହେବ । ସେହିପରି ଗୁରୁବାର ନାଗପୁରରେ ଏକ କଡ଼ା ଲକ୍ଡାଉନ୍ ଲାଗୁ ହେବା କଥା ଘୋଷଣା ହୋଇଛି। ମାର୍ଚ ୧୫ରୁ ୨୧ ତାରିଖ ପର୍ୟ୍ୟନ୍ତ ଲକ୍ଡାଉନ୍ ଲାଗୁ ହୋଇଥିବା ଘୋଷଣା ସରିଛି ।
ଗୁରୁବାର ଦିନ ମହାରାଷ୍ଟ୍ରରେ ୧୪ ହଜାରରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହୋଇ ୨୦୨୧ ମସିହାର ରେକର୍ଡ ସୃଷ୍ଟି କରିଛି। ଏବେ ବି ରାଜ୍ୟରେ ୧ ଲକ୍ଷରୁ ଅଧିକ ସକ୍ରିୟ ଆକ୍ରାନ୍ତ ଅଛନ୍ତି। ମହାରାଷ୍ଟ୍ରରେ ଦିନକୁ ଦନ ଆକ୍ରାନ୍ତ ସଂଖ୍ୟା ବଢ଼ି ବଢ଼ି ଚାଲୁଥିବା ବେଳେ କେହି କେହି ଏହାର କାରଣ ଗ୍ରାମ ପଞ୍ଚାୟନ ନିର୍ବାଚନ କହୁଥିବା ବେଳେ କେହି କେହି ସ୍ଥାନୀୟ ରେଳ ସେବାକୁ ଦୋଷ ଦେଇଛନ୍ତି।