କନକ ବ୍ୟୁରୋ : ଆଜିଠୁ ଲାଗୁ ହେଉଛି ନୂଆ ନିୟମ । ଅନେକ ଯୋଜନାରେ ସୁଧ ହାର ଏବଂ ଋଣ ହାର କମ୍ ବେଶୀ ହୋଇଛି । କିନ୍ତୁ ଗୁରୁତ୍ୱପୂର୍ଣ୍ଣ କଥା ହେଲା ଯେଉଁ ପରିମାଣରେ ରେପୋ ରେଟ୍ ବଢିବା ଦ୍ୱାରା ଋଣ ଉପରେ ସୁଧ ହାର ବଢିଛି ସେହି ଅନୁୁପାତରେ ଜମା ଉପରେ ଗ୍ରାହକଙ୍କୁ ସୁଧ ମିଳୁନି ।

କେନ୍ଦ୍ର ସରକାର ଆଜିଠାରୁ ତିନି ମାସ ପାଇଁ ସ୍ୱଳ୍ପ ସଞ୍ଚୟ ସ୍କିମ ଗୁଡ଼ିକ ସୁଧ ଉପରେ ୦.୭୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିଛନ୍ତି । ଏନେଇ ଅର୍ଥ ମନ୍ତ୍ରାଳୟ ଏକ ସର୍କୁଲାର ଜାରି କରିଛି । ବରିଷ୍ଠ ନାଗରିକ ସଞ୍ଚୟ ସ୍କିମ୍, ମାସିକ ଆୟ ସଞ୍ଚୟ ସ୍କିମ୍, ଜାତୀୟ ସଞ୍ଚୟ ସାର୍ଟିଫିକେଟ୍, କିସାନ ବିକାଶ ପତ୍ର, ସମସ୍ତ ଡାକ ଘର ଜମା ଓ ସୁକନ୍ୟା ସମୃଦ୍ଧି ଯୋଜନା ସ୍କିମର ସୁଧ ବୃଦ୍ଧି କରାଯାଇଛି । ତେବେ ପବ୍ଲିକ୍ ପ୍ରୋଭିଡେଂଟ ଫଣ୍ଡ୍ ସୁଧ ପୁଣି ଥରେ ୭.୧ ପ୍ରତିଶତରେ ଅପରିବର୍ତ୍ତିତ ରଖାଯାଇଛି ।

୨୦୨୩-୨୪ ଆର୍ଥିକ ବର୍ଷ (ଏପ୍ରିଲ-ଜୁନ୍)

ଯୋଜନାର ନାମ                                                    ଥିଲା                               ହେଲା
ବରିଷ୍ଠ ନାଗରିକ ସଞ୍ଚୟ ଯୋଜନା                              ୮%                                 ୮.୨%
ଡାକ ଘର ସଞ୍ଚୟ ସ୍କିମ୍                                           ୭.୧%                             ୭.୪%
ଜାତୀୟ ସଞ୍ଚୟ ସାର୍ଟିଫିକେଟ୍                                   ୭%                                  ୭.୭%
କିସାନ ବିକାଶ ପତ୍ର                                              ୭.୨%                              ୭.୫%
ସୁକନ୍ୟା ସମୃଦ୍ଧି ଯୋଜନା                                       ୭.୬%                                ୮%
ପିପିଏଫ                                                           ୭.୧%                              ୭.୧%