ଭାଙ୍ଗୁଛି ଲୋକ ଜନଶକ୍ତି ପାର୍ଟି । ଦଳର ରାଷ୍ଟ୍ରୀୟ ଅଧ୍ୟକ୍ଷ ପଦରୁ ବିଦାହେଲେ ଚିରାଗ । ପାଟନାର ଏଲଜେପି କାର୍ଯ୍ୟାଳୟ ଆଗରେ ସମର୍ଥକଙ୍କ ହୋ ହାଲ୍ଲା
କନକ ବ୍ୟୁରୋ : ଲୋକ ଜନଶକ୍ତି ପାର୍ଟି (ଏଲଜେପି) ରେ ଲାଗିଥିବା କନ୍ଦଳ ଭିତରେ ଚିରାଗ ପାସୱାନଙ୍କୁ ସଂସଦୀୟ ଦଳର ନେତା ପଦ ଓ ଦଳର ରାଷ୍ଟ୍ରୀୟ ଅଧ୍ୟକ୍ଷ ପଦରୁ ହଟାଇ ଦିଆଯାଇଛି । ଚିରାଗଙ୍କ କକା ପଶୁପତି କୁମାର ପାରସଙ୍କ ସମର୍ଥିତ ନେତାମାନେ ଏଲଜେପି ସମ୍ବିଧାନର ଦ୍ୱାହୀ ଦେଇ ଚିରାଗଙ୍କୁ ଏସବୁ ପଦରୁ ହଟାଇ ଦେଇଛନ୍ତି । ସେମାନେ କହିଛନ୍ତି କି ଚିରାଗ ଏଳାସାଙ୍ଗରେ ୩ ଟି ପଦକୁ ଅକ୍ତିଆର କରି ବସିଥିଲେ । ଏପଟେ କୁହାଯାଇଛି କି ପଶୁପତି କୁମାର ପାରସ ଜୁନ ୨୦ ତାରିଖ ପର୍ଯ୍ୟନ୍ତ ଦଳର ରାଷ୍ଟ୍ରୀୟ ଅଧ୍ୟକ୍ଷ ପଦ ସମ୍ଭାଳିବେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏସବୁ କନ୍ଦଳ ଭିତରେ ଚିରାଗ ପାସୱାନ ପାଟନା ଠାରେ ପାର୍ଟିର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ ଡାକିଛନ୍ତି । ସେଠାରେ ଚିରାଗଙ୍କ ସମର୍ଥକମାନେ ପଶୁପତିଙ୍କ ବିରୋଧରେ ନାରାବାଜି କରିବା ସହ ହୋ ହାଲ୍ଲା କରିଛନ୍ତି ।
ଏହି ବୈଠକ ପୂର୍ବରୁ ଚିରାଗ ପଶୁପତିଙ୍କ ନାମ ନନେଇ ଏକ ଭାବୁକ ଟ୍ୱିଟ୍ ପୋଷ୍ଟ କରିଥିଲେ । ସେ ତାଙ୍କ ଟ୍ୱିଟରରେ ଲେଖିଥିଲେ ଯେ ବାପାଙ୍କ ଦେହାନ୍ତ ପରେ ତୁମର ବ୍ୟବହାର ବଦଳି ଯାଇଛି । ମୁଁ ପାର୍ଟି ଓ ପରିବାରକୁ ସାଥିରେ ରଖିବାକୁ ଅସଫଳ ହୋଇଛି । ଏହାହସ ଏକ ପୁରୁଣା ଚିଠି ବି ଚିରାଗ ଟ୍ୱିଟ୍ ସହିତ ଯୋଡି ଥିଲେ । ସେ ତାଙ୍କ ଟ୍ୱିଟରେ ଆହୁରି ଲେଖିଥିଲେ କି ବାପା ତିଆରି କରିଥିବା ପାର୍ଟି ଓ ପରିବାରକୁ ମୁଁ ସାଙ୍ଗରେ ରଖିବାକୁ ବହୁତ ପ୍ରୟାସ କରିବା ପରେ ବି ଅସଫଳ ହେଲି । ପାର୍ଟି ମା ଭଳି , ତା ସହିତ ଧୋକ୍କା ଦେବା ମୋ ପକ୍ଷରେ ସମ୍ଭବ ନୁହେଁ । ପାର୍ଟିରେ ବିଶ୍ୱାସ ରଖିଥିବା ଲୋକଙ୍କୁ ମୂଁ ଧନ୍ୟବାଦ ଦେଉଛି ବୋଲି ସେ ତାଙ୍କ ଟ୍ୱିଟରରେ ଲେଖିଛନ୍ତି ।
पापा की बनाई इस पार्टी और अपने परिवार को साथ रखने के लिए किए मैंने प्रयास किया लेकिन असफल रहा।पार्टी माँ के समान है और माँ के साथ धोखा नहीं करना चाहिए।लोकतंत्र में जनता सर्वोपरि है। पार्टी में आस्था रखने वाले लोगों का मैं धन्यवाद देता हूँ। एक पुराना पत्र साझा करता हूँ। pic.twitter.com/pFwojQVzuo
— युवा बिहारी चिराग पासवान (@iChiragPaswan) June 15, 2021
ପାର୍ଟି ଭିତରେ ଲାଗି ରହିଥିବା କନ୍ଦଳ ପଛରେ କାରଣ ଭାବେ ଦର୍ଶାଯାଉଛି କି, ବାପା ରାମବିଳାଶ ପାସୱାନଙ୍କ ମୃତ୍ୟୁ ପରେ ଚିରାଗ ଏକା ଏକା ଦଳୀୟ ନିଷ୍ପତ୍ତି ଗ୍ରହଣ କରୁଛନ୍ତି । ସେ ଦଳର ନେତା ଓ ସାଂସଦ ମାନଙ୍କୁ କୌଣସି କଥାରେ ପଚାରୁ ନାହାନ୍ତି ।