ଚିରାଗ ପାସୱାନଙ୍କୁ ଦିଲ୍ଲୀ ହାଇକୋର୍ଟର ଝଟକା । ଲୋକସଭା ବାଚଷ୍ପତ୍ତିଙ୍କ ନିଷ୍ପତ୍ତି ବିରୋଧରେ କରିଥିବା ଆବେଦନ ଖାରଜ ।
କନକ ବ୍ୟୁରୋ : ଚିରାଗ ପାସୱାନଙ୍କୁ ଦିଲ୍ଲୀ ହାଇକୋର୍ଟରୁ ବଡ ଝଟକା ଲାଗିଛି । ଚିରାଗ ପାସୱାନଙ୍କ ଆବେଦନକୁ ଖାରଜ କରିଦେଇଛନ୍ତି ଦିଲ୍ଲୀ ହାଇକୋର୍ଟ । ଦିଲ୍ଲୀ ହାଇକୋର୍ଟ କହିଛନ୍ତି କି ଚିରାଗଙ୍କ ଆବେଦନର କୌଣସି ଆଧାର ନାହିଁ । ଏହି ମାମଲା ଏବେ ଲୋକସଭା ବାଚଷ୍ପତ୍ତିଙ୍କ ନିକଟରେ ନିକଟରେ ରହିଛି , ତେଣୁ ଏନେଇ କୋର୍ଟ ପକ୍ଷରୁ କୌଣସି ନିର୍ଦ୍ଦେଶ ଦେବାର ଆବଶ୍ୟକତା ନାହିଁ ।
ଲୋକସଭା ଅଧ୍ୟକ୍ଷଙ୍କ ପକ୍ଷରୁ ଲୋକ ଜନଶକ୍ତି ପାର୍ଟି (ଏଲଜେପି) ସଦସ୍ୟ ଭାବେ ପଶୁପତି ପାରସଙ୍କୁ ମନ୍ତ୍ରୀପଦ ଦେବା ପରେ ଏହା ବିରୋଧରେ ଚିରାଗ ପାସୱାନ ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ । ଏହି ଆବେଦନର ଶୁୂଣାଣି ବେଳେ ବାଚଷ୍ପତ୍ତିଙ୍କ ପକ୍ଷରୁ ଲଢୁଥିବା ଓକିଲ ସୁପ୍ରିମ କୋର୍ଟର ଏକ ରାୟକୁ ଉପସ୍ଥାପନ କରିଥିଲେ ।
Delhi High Court dismisses Chirag Paswan’s petition challenging Lok Sabha Speaker’s order to designate Pashupati Paras as Lok Jan Shakti Party’s floor leader. Court says the petition is without merit. pic.twitter.com/r344H0FaYC
— ANI (@ANI) July 9, 2021
କୋର୍ଟ ଆହୁରି କହିଛନ୍ତି କି ଏଲଜେପି ମାମଲାରେ କୋର୍ଟ ଏବେ କୌଣସି ଆଦେଶ ଦେଇପାରିବ ନାହିଁ । ଏହାର କାରଣ ଭାବେ କୋର୍ଟ କହିଛନ୍ତି କି ଏହି ମାମଲା ଏବେ ଲୋକସଭା ବାଚଷ୍ପତ୍ତିଙ୍କ ନିକଟରେ ବିଚାରାଧିନ ରହିଛି । ଚିରାଗଙ୍କ ଓକିଲ ଏହାକୁ ଡିଫେଣ୍ଡ କରିପାରି ନଥିଲେ ।
ପଶୁପତି ପାରସଙ୍କ ପକ୍ଷରୁ ମାମଲା ଲଢୁଥିବା ଓକିଲ କହିଛନ୍ତି କି ଯେଉଁ ଚିଠି ପାରସଙ୍କ ପକ୍ଷରୁ ଲୋକସଭାର ଅଧ୍ୟକ୍ଷଙ୍କୁ ଦେଇଛନ୍ତି ସେହି ସମୟରେ ପାରସ ପାର୍ଟିର ଚିଫ୍ ହ୍ୱିପ୍ ଥିଲେ ଓ ପରେ ପାର୍ଟିର ଲିଡର ଭାବେ ନିର୍ବାଚିତ ହୋଇଥିଲେ । ଏହାକୁ ନେଇ କୋର୍ଟ କହିଥିଲେ କି ଏଭଳି ଆବେଦନ ନିର୍ବାଚନ ଆୟୋଗଙ୍କ ନିକଟରେ କରିବାର ଆବଶ୍ୟକ ରହିଛି ।
କହିରଖୁ କି ଦିଲ୍ଲୀ ହାଇକୋର୍ଟରେ ଚିରାଗ କରିଥିବା ଆବେଦନରେ କହିଥିଲେ କି ଦଳ ବିରୋଧୀ ଗତିବିଧି ଓ ଦଳର ଶୀର୍ଷ ନେତୃତ୍ୱଙ୍କୁ ଧୋକ୍କା ଦେବା କାରଣରୁ ପଶୁପତି ପାରସଙ୍କୁ ଦଳରୁ ବିତାଡିତ କରାଯାଇଛି । ଏହି କାରଣରୁ ସେ ଏବେ ଏଲଜେପିର ସଦସ୍ୟ ନୁହନ୍ତି । ଏହାକୁ ନେଇ ଚିରାଗ ଲୋକସଭା ଅଧ୍ୟକ୍ଷ ଓମ ବିର୍ଲାଙ୍କ ନିଷ୍ପତ୍ତି ବିରୋଧରେ ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ ।