ମାଆ ମୁଁ ଡାକ୍ତର ହେବି… ଯନ୍ତ୍ରଣା ଭିତରେ ଡାକ୍ତର ହେବାର ସ୍ୱପ୍ନ ସଜାଡୁଛି କୁନି ଝିଅ । ଥାଲାସେମିଆ ରୋଗରେ ସିନା ଦେହରୁ ରକ୍ତ ସରି ସରି ଯାଉଛି ହେଲେ ମନରୁ ସରୁନି ଡାକ୍ତର ହେବାର ଆଶା । ନଇଁ ନଯାଇ ସମୟ ସହ ଝଗଡା କରି ଜୀବନକୁ ସୁନ୍ଦର କରୁଛି ନଭ୍ୟା…
କନକ ବ୍ୟୁରୋ: ଦେହରେ ରୋଗ, ରକ୍ତରେ ସ୍ୱପ୍ନ । ଯନ୍ତ୍ରଣା ଭିତରେ ଡାକ୍ତର ହେବାର ଜୁନୁନ୍ । ରୋଗକୁ ମାରିବି, ରୋଗୀ ସେବା କରିବି… ପାଠ ପଢି ମୁଁ ଡାକ୍ତର ହେବି… ପିଲା ବେଳୁ ଡାକ୍ତର ହେବାର ସ୍ୱପ୍ନ ଅନେକ ଦେଖନ୍ତି । ଜୀବନର ଲକ୍ଷ୍ୟ କଣ ପଚରାଗଲେ ଆମେ ସାଙ୍ଗେ ସାଙ୍ଗେ ଡାକ୍ତର ବୋଲି କହିଦେଉ । ଏ କୁନି ଝିଅ ବି ଠିକ ସେମିତି ଏକ ସ୍ୱପ୍ନ ନେଇ ବଞ୍ଚି ରହିଛି, ଡାକ୍ତର ହେବାର ଆଶା ନେଇ ଆଗକୁ ବଢୁଛି । କିନ୍ତୁ ଆପଣ ଭାବୁଥିବେ ସମସ୍ତେ ତ ସ୍ୱପ୍ନ ଦେଖନ୍ତି ହେଲେ ଏ ଝିଅର ସ୍ୱପ୍ନକୁ କଣ ପାଇଁ ଏତେ ଗୁରୁତ୍ୱ ଦିଆଯାଉଛି ? କଣ ପାଇଁ ତାକୁ ଖବର କରାଯାଉଛି ? ଆଜ୍ଞା ହଁ ! ଏ ଝିଅର ସ୍ୱପ୍ନ ସମାଜକୁ ଏକ ଆଶା ଦେଉଛି… ହାରି ନଯାଇ ଜୀବନକୁ କେମିତି ଜିତି ଜିତି ଜିଇଁହୁଏ ଏ ଝିଅ ବାର୍ତ୍ତା ଦେଉଛି । ଥାଲାସେମିଆରେ ଥକି ନଯାଇ ବେଶ ସାହସର ସହ ଜୀବନର ସାଇକେଲକୁ ଖୁସିରେ ଗଡାଉଛି କୁନି ଝିଅ…
Kanak News is now on WhatsApp
Join and get latest news updates delivered to you via WhatsApp
ନଭ୍ୟା ନଭେଲି ସାହୁ । କେନ୍ଦ୍ରାପଡା ମହାକାଳପଡା ନନ୍ତରା ସରକାରୀ ସ୍କୁଲରେ ନବମରେ ପଢୁଥିବା ଛାତ୍ରୀ । ଜନ୍ମରୁ ନଭ୍ୟା ଥାଲାସେମିଆରେ ରୋଗରେ ପୀଡିତ । ପ୍ରତିମାସ ୪ ଥର ରକ୍ତ ନନଲେ ନଭ୍ୟାର ଜୀବନ ବଞ୍ଚିବା ଅସମ୍ଭବ । ରୋଗ କଷ୍ଟ ଭିତରେ ରାତି ପାହି ଯେବେ ସକାଳ ହୁଏ ନଭ୍ୟା ଜୀବନକୁ ନେଇ ଦେଖେ ଅନେକ ସ୍ୱପ୍ନ । ହେଲେ ଦେହରୁ ଯେବେଯେବେ ରକ୍ତ ସରି ସରି ଆସେ ବଞ୍ଚିବାର ଆଶା ମଉଳିଯାଏ କିନ୍ତୁ ମଉଳେନି ଡାକ୍ତର ହେବାର ଆଶା, ସେବା କରିବାର ସ୍ୱପ୍ନ…
ଥାଲାସେମିଆରେ ପୀଡିତ ଥିବାରୁ ରକ୍ତ ପାଇଁ ସବୁବେଳେ ଚିନ୍ତାରେ ରହୁଛନ୍ତି ପରିବାର ଲୋକେ । ଝିଅର ଜୀବନ ବଞ୍ଚାଇବାର ପ୍ରୟାସରେ ଭବିଷ୍ୟତ ଗଢିବାର କଥାକୁ ଧ୍ୟାନ ଦେଇନଥିଲେ ପରିବାର । କିନ୍ତୁ ନଭ୍ୟାର ପ୍ରତିଭା ଆଉ ପାଠପଢା ପ୍ରତି ଆଗ୍ରହ ଦେଖି କୁନି ଝିଅକୁ ଗଢିବାକୁ ଆଗେଇ ଆସିଥିଲେ ସ୍ଥାନୀୟ ଅଞ୍ଚଳର ଶିକ୍ଷକ ବିକାଶ ପଟ୍ଟନାୟକ । ନଭ୍ୟାର ପାଠପଢା ପାଇଁ ପ୍ରାଣପଣେ ଚେଷ୍ଟା କରି ଶେଷରେ ତାକୁ ସଫଳ ମଧ୍ୟ କରାଇଛନ୍ତି । ଆଉ ନଭ୍ୟା ଜାତୀୟ ସ୍ତରରେ ବୃତି ପାଇଛନ୍ତି । ତେବେ ଶରୀର ଅସୁସ୍ଥ ଥାଇ ବି ସ୍ୱପ୍ନକୁ ସତ କରିବାକୁ ଜୀବନ ସହ ଝଗଡା କରୁଥିବା ନଭ୍ୟା ଅସୁସ୍ଥତା ଆଗରେ କେବେ ହାର ମାନି ନାହାନ୍ତି…
ଦେହରୁ ରକ୍ତ ସରି ଯାଉଛି, ମନରୁ ସରୁନି ଡାକ୍ତର ହେବାର ଆଶା
#ମାଆ_ମୁଁ_ଡାକ୍ତର_ହେବି…ଯନ୍ତ୍ରଣା ଭିତରେ ଡାକ୍ତର ହେବାର ସ୍ୱପ୍ନ ସଜାଡୁଛି କୁନି ଝିଅ । ଥାଲାସେମିଆ ରୋଗରେ ସିନା ଦେହରୁ ରକ୍ତ ସରି ସରି ଯାଉଛି ହେଲେ ମନରୁ ସରୁନି ଡାକ୍ତର ହେବାର ଆଶା । ନଇଁ ନଯାଇ ସମୟ ସହ ଝଗଡା କରି ଜୀବନକୁ ସୁନ୍ଦର କରୁଛି ନଭ୍ୟା…#SpecialReport #Thalassemia #Kendrapara #Odisha CMO Odisha
Posted by Kanak News on Thursday, July 2, 2020