ବାଂଲାଦେଶ-ଶ୍ରୀଲଙ୍କା ମ୍ୟାଚରେ ପଡିଆ ମଝିରେ ଝଗଡା, ଲିଟନ-ଲାହିରୁ ମୁହାଁମୁହିଁ
କନକ ବ୍ୟୁରୋ: ଆଜି ଗୋଟିଏ ଦିନରେ ଟି-୨୦ ବିଶ୍ୱକପରେ ଏସିଆର ୪ ଦେଶ ସାମ୍ନାସାମ୍ନି ହେଉଛନ୍ତି । ଗୋଟିଏ ପଟେ ବାଂଲାଦେଶ-ଶ୍ରୀଲଙ୍କା ମ୍ୟାଚ ଚାଲିଥିବା ବେଳେ ଆଉ ଗୋଟିଏ ପଟେ ଭାରତ-ପାକିସ୍ତାନ ମ୍ୟାଚକୁ ଅପେକ୍ଷା । ହେଲେ ବାଂଲାଦେଶ-ଶ୍ରୀଲଙ୍କା ମ୍ୟାଚରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏହି ମ୍ୟାଚରେ ମୁହାଁମୁହିଁ ହୋଇଛନ୍ତି ବ୍ୟାଟ୍ସମ୍ୟାନ ଓ ବୋଲର ।
Kanak News is now on WhatsApp
Join and get latest news updates delivered to you via WhatsApp
ଦେଖିବାକୁ ମିଳିଛି ବାଂଲାଦେଶର ବ୍ୟାଟ୍ସମ୍ୟାନ ଲିଟନ ଦାସଙ୍କ ୱିକେଟ ଯିବା ପରେ ଶ୍ରୀଲଙ୍କାର ବୋଲର ଲାହିରୁ କୁମାର ତାଙ୍କୁ କିଛି ଅକ୍ଷେପ କରି କହିଥିଲେ । ଯେଉଁଥିପାଇଁ ଉଭୟଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଦେଖିବାକୁ ମିଳିଥିଲା । ଏହାପରେ ବାଂଲାଦେଶର ବ୍ୟାଟ୍ସମ୍ୟାନ ମହମ୍ମଦ ନଇମ ସାମ୍ନାକୁ ଆସି ଲାହିରୁ କୁମାରଙ୍କୁ ପଛକୁ ଧକ୍କା ମାରିଥିଲେ । ଏହାପରେ ଅମ୍ପାୟାର ମାନେ ଆସି ପରିସ୍ଥିତିକୁ ଠିକ କରିଥିଲେ ।
ଏହି ମ୍ୟାଚରେ ଆଜି ଶ୍ରୀଲଙ୍କାର ବୋଲର ଲାହିରୁ କୁମାର ଆଗ୍ରେସିଭ ନଜର ଆସିଥିଲେ । ଏହି ଘଟଣାର ଠିକ ପୂର୍ବରୁ ଲାହିରୁ ବ୍ୟାଟ୍ସମୟାନ ଆଡକୁ ଜୋରରେ ବଲ ଫିଙ୍ଗିଥିଲେ ଯାହା ସିଧା ୱିକେଟ କିପର ହାତକୁ ଯାଇଥିଲା ।
ଏହି ମ୍ୟାଚରେ ଟସ ଜିତି ବୋଲିଂ ନିଷ୍ପତ୍ତି ନେଇଥିଲା ଶ୍ରୀଲଙ୍କା । ତେଣୁ ପ୍ରଥମେ ବ୍ୟାଟିଂ ଆସି ବାଂଲାଦେଶ ଦଳ ୧୭୧ ରନ କରିଥିଲା । ଏବେ ୧୭୨ ରନର ବିଜୟ ଲକ୍ଷ୍ୟ ନେଇ ବ୍ୟାଟିଂ ଜାରି ରଖିଛି ଶ୍ରୀଲଙ୍କା ଦଳ ।