ଭାଙ୍ଗିଲା ଶ୍ରୀଲିଙ୍ଗରାଜଙ୍କ ମହା ପରମ୍ପରା: ଅଶୋକାଷ୍ଟମୀରେ ଗଡିବ ନାହିଁ ରୁକୁଣା ରଥ;କରୋନା କଟକଣା ଯୋଗୁଁ ରଥଯାତ୍ରାକୁ ଅନୁମତି ଦେଲାନାହିଁ ପ୍ରଶାସନ
ରଥ ,ପଥ ପ୍ରସ୍ତୁତ, ହେଲେ କରୋନା କଟକଣା ଯୋଗୁଁ ଚଳିତ ବର୍ଷ ରଥଯାତ୍ରା ବନ୍ଦ
କନକ ବ୍ୟୁରୋ: ଆଜି ଅଶୋକାଷ୍ଟମୀ । ଅଶୋକାଷ୍ଟମୀରେ ରୁକୁଣା ରଥ ଉତ୍ସବ ଧୁମଧାମରେ ପାଳିତ ହୁଏ । କିନ୍ତୁ ଚଳିତଥର କରୋନା କଟାକଣା ଯୋଗୁଁ ଶ୍ରୀଲିଙ୍ଗରାଜଙ୍କ ରୁକୁଣା ରଥ ଗଡିବ ନାହିଁ । କରୋନା ସଂକ୍ରମଣକୁ ଆଖିରେ ରଖି ଜନଗହଳିକୁ ଏଡାଇବା ପାଇଁ ପ୍ରଶାସନ ରୁକୁଣା ରଥଯାତ୍ରାକୁ ମନା କରିଛି । ସେପଟେ ପାରମ୍ପରିକ ରୀତିନୀତି ଅନୁସାରେ ରଥ ନିର୍ମାଣ ଶେଷ ହୋଇଥିଲା । ତେବେ ପ୍ରଶାସନର ଅନୁମତି ମିଳିନଥିବାରୁ ରଥଟଣା ଯିବ ନାହିଁ । ଗତକାଲି ପ୍ରଶାସନ ଅନୁମତି ନଦେବା ପରେ ନେତ୍ର୍ ଉତ୍ସବ ନୀତି ଓ ମରିଚିକୁଣ୍ଡ ପାଣି ନିଲାମ ହୋଇ ନାହିଁ । ଆଉ ଆଜି ଶ୍ରୀ ଲିଙ୍ଗରାଜଙ୍କ ରୁକୁଣା ରଥ ଯାତ୍ରା ହେଉନଥିବାରୁ ମହା ପରମ୍ପରା ଭଙ୍ଗ ହୋଇଥିବା କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କରୋନା ସଂକ୍ରମଣ ଏଡାଇବାକୁ ସରକାର କୌଣସି ସ୍ଥାନରେ ୫ରୁ ଅଧିକ ଲୋକ ଏକାଠି ହେବା ଉପରେ୍ କଟକଣା ଲଗାଇଛନ୍ତି । ତେବେ ଶ୍ରୀଲିଙ୍ଗରାଜଙ୍କ ରଥ ପ୍ରତିଷ୍ଠା ଓ ରଥଟଣା କାର୍ଯ୍ୟ ୫ ଜଣରେ ସମ୍ଭବ ହୋଇନଥିବାରୁ ରଥ ଟଣାକୁ ଚଳିତ ବର୍ଷ ବନ୍ଦ କରାଯାଇଛି । ଖୋର୍ଦ୍ଧା ଜିଲ୍ଲାପାଳ ଓ ଜିଲ୍ଲା ମାଜିଷ୍ଟ୍ରେଟ୍ ରୁକୁଣା ରଥ ଟଣାକୁ ଅନୁମିତ ଦେଇହେବ ନାହିଁ ବୋଲି ମନ୍ଦିର କାର୍ଯ୍ୟାଳୟକୁ ଚିଠି ଦେଇଥିଲେ । ଗତକାଲି ଏନେଇ ୪ ନିଯୋଗ ସଭାପତିଙ୍କ ସହ ବିଧାୟକ ସୁର ରାଉତରାୟ ସିପିଙ୍କୁ ଭେଟିଥିଲେ । ହେଲେ ପୁଲିସ କମିସନର ସୁଧାଂଶୁ ଷଡଙ୍ଗୀ ରଥ ଯାତ୍ରା ହୋଇପାରିବ ନାହିଁ ବୋଲି ସ୍ପଷ୍ଟ ମନା କରିଦେଇଥିଲେ ।