ବିପଦରେ ଲିଙ୍ଗରାଜ ମନ୍ଦିର: ଏଏସଆଇକୁ ଚିଠି ଲେଖିଲେ ଦେବୋତ୍ତର କମିସନ; ଦଧିନଉତି ଓ ଶିଖରରେ ସୃଷ୍ଟି ହୋଇଛି ଫାଟ

କନକ ବ୍ୟୁରୋ: ସଂକଟରେ ରାଜ୍ୟର ସବୁଠୁ ବଡ ଶୈବ ପୀଠ । ମନ୍ଦିରର ରକ୍ଷଣାବେକ୍ଷଣରେ ଅବେହଳା କରାଯାଇଥିବା ଦର୍ଶାଇ ପତ୍ନତାତ୍ତ୍ୱିକ ସର୍ବେକ୍ଷଣ ସଂସ୍ଥାକୁ ଚିଠି ଲେଖିଛନ୍ତି ଦେବୋତ୍ତର କମିଶନର । ଏହାକ ଶୀଘ୍ର ମରାମତି କରାଯିବାକୁ ଚିଠିରେ ଅନୁରୋଧ କରାଯାଇଛି । ଚିଠିରେ କୁହାଯାଇଛି ଯେ, ମୁଖ୍ୟ ମନ୍ଦିରରେ ଦଧିନଉତିରେ ଫାଟ ସୃଷ୍ଟି ହୋଇଛି ।

ଶୀଘ୍ର ଏହାର ମରାମତି ଦରକାର । ମନ୍ଦିରରୁ ପଥର ଖସିବା ଆଶଙ୍କା ବି ରହିଛି ବୋଲି ଦେବୋତ୍ତର କମିଶନର ଚିଠିରେ କହିଛନ୍ତି । ମୁଖ୍ୟମନ୍ଦିର ଓ ପାଶ୍ୱର୍ ଦେବାଦେବୀ ମନ୍ଦିରରେ ପାଣି ଲିକ୍ ହେଉଥିବାରୁ ଶୀଘ୍ର ଏହାର ମରାମତି ପାଇଁ ବି ଅନୁରୋଧ କରିଛି ଦେବୋତ୍ତର କମିଶନର । ଗର୍ଭଗୃହର ଚଟାଣ ବି ନଷ୍ଟ ହୋଇଥିବା ଚିଠିରେ କୁହାଯାଇଛି ।

ଏକାଦଶ ଶତାଦ୍ଦୀରେ ନିର୍ମିତ ଏହି ମନ୍ଦିର ଜଗନ୍ନାଥ ମନ୍ଦିର ଓ କୋଣାର୍କ ସୂର୍ଯ୍ୟ ମନ୍ଦିରଠାରୁ ପୁରାତନ । କିନ୍ତୁ ଏହାର ସ୍ଥାୟିତ୍ୱ ନେଇ ଏବେ ଉଠିଛି ପ୍ରଶ୍ନ । ଜଗନ୍ନାଥ ମନ୍ଦିର, ସୂର୍ଯ୍ୟ ମନ୍ଦିର ଓ ଲିଙ୍ଗରାଜ ମନ୍ଦିର, ରାଜ୍ୟ ମାନଚିତ୍ରରେ ସ୍ୱର୍ଣ୍ଣ ତ୍ରିଭୁଜର ଗୈାରବ ବହନ କରେ । ତେଣୁ ଅନ୍ୟ ଦୁଇ ମନ୍ଦିର ପରି ଲିଙ୍ଗରାଜ ମନ୍ଦିରର ସୁରକ୍ଷାକୁ ମଧ୍ୟ ଗୁରୁତ୍ୱ ଦିଆଯିବାକୁ ଦାବି ଉଠିଛି ।