ତାତିରୁ ମିଳିବ ସାମାନ୍ୟ ଆଶ୍ୱସ୍ତି । ୪ରୁ ୫ ଦିନ ପର୍ଯ୍ୟନ୍ତ ଉତ୍ତର ଓଡିଶାର ଅଧିକାଂଶ ସ୍ଥାନରେ ହାଲୁକା ବର୍ଷା ସମ୍ଭାବନା ।
କନକ ବ୍ୟୁରୋ: ତାତିରୁ ମିଳିବ ସାମାନ୍ୟ ଆଶ୍ୱସ୍ତି । ଆଜିଠୁ ୪ରୁ ୫ ଦିନ ପର୍ଯ୍ୟନ୍ତ ଉତ୍ତର ଓଡିଶାର ଅଧିକାଂଶ ସ୍ଥାନରେ ହାଲୁକା ବର୍ଷା ହୋଇପାରେ । ଆଜି ଉତ୍ତର ଓ ଉପକୂଳ ଓଡ଼ିଶାରେ କିଛି ଜିଲ୍ଲାରେ ବର୍ଷା ହୋଇପାରେ । ୨୩ ଓ ୨୪ ତାରିଖରେ ଉପକୂଳ ଓଡ଼ିଶା ସମେତ ପାଶ୍ୱର୍ବର୍ତୀ ଜିଲ୍ଲା ଏବଂ ୨୫ ଓ ୨୬ ତାରିଖରେ ଆଭ୍ୟନ୍ତରୀଣ ଓ ଉତ୍ତର ଓଡ଼ିଶାର କିଛି ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାଜଧାନୀରେ ଦିନର ତାପମାତ୍ରା ୩୬.୪ ଡିଗ୍ରୀ ରେକର୍ଡ କରାଯାଇଥିଲା । ସେହିଭଳି ରାଜ୍ୟର ଅନ୍ୟ ୧୫ଟି ସହରରେ ପାରଦ ୩୫ ଡିଗ୍ରୀ ଉପରେ ରହିଥିଲା । ତାପମାତ୍ରା ବୃଦ୍ଧିକୁ ଦେଖି ଏସଆରସି ପକ୍ଷରୁ ସତର୍କ କରାଯାଇଛି । ଅଂଶୁଘାତରେ ଯେପରି କାହାର ମୃତ୍ୟୁ ନହୁଏ ସେଥିପ୍ରତି ବିଶେଷ ଧ୍ୟାନ ଦିଆଯାଇଛି । ସେହିପରି ସକାଳ ସମୟରେ ଅଙ୍ଗନବାଡି ଖୋଲିବାକୁ ବ୍ୟବସ୍ଥା ହୋଇଛି । ଗ୍ରୀଷ୍ମ ପ୍ରବାହକୁ ରୋକିବା ଓ ଏହାର ମୁକାବିଲା ପାଇଁ ଜନ ସଚେତନତା ସୃଷ୍ଟି କରିବା, ଜଳ ଯୋଗାଣ ସୁନିଶ୍ଚିତ କରିବା, ଦିନକାଳୀନ ଆଶ୍ରୟସ୍ଥଳୀ ଭାବେ ବ୍ୟବହାର କରିବା ଆଦି ବିଭିନ୍ନ ପଦକ୍ଷେପ ନେବାକୁ ଏସଆରସି ଜିଲ୍ଲା ପ୍ରଶାସନକୁ କହିଛନ୍ତି ।