ଅଳିଆ ଭାବି ଫୋପାଡ଼ୁଛନ୍ତି କି କମଳା ଚୋପା ? ସ୍ବାସ୍ଥ୍ୟ ପାଇଁ ବରଦାନ ଏହି ଚୋପା

କନକ ବ୍ୟୁରୋ : କମଳା କେବଳ ସ୍ୱାଦିଷ୍ଟ ନୁହେଁ ବରଂ ସ୍ୱାସ୍ଥ୍ୟ ପାଇଁ ମଧ୍ୟ ଅତ୍ୟନ୍ତ ଲାଭଦାୟକ । ଲୋକମାନେ ପ୍ରାୟତଃ କମଳା ଜୁସ୍ ପିଅନ୍ତି କିମ୍ବା ଖାଆନ୍ତି । କିନ୍ତୁ କମଳା ଖାଇସାରିଲା ପରେ ଏହାର ଚୋପାକୁ ଅଳିଆ ଭାବି ଫୋପାଡ଼ି ଦିଅନ୍ତି । କିନ୍ତୁ ଜାଣି ଆଶ୍ଚର୍ଯ୍ୟ ହେବେ ଯେ କମଳା ଭଳି କମଳା ଚୋପା ମଧ୍ୟ ସ୍ବାସ୍ଥ୍ୟ ପାଇଁ ଲାଭଦାୟକ । ଏଥିରେ ଅନେକ ପୋଷକ ତତ୍ତ୍ୱ ଏବଂ ଔଷଧୀୟ ଗୁଣ ଭରପୁର ରହିଛି, ଯାହାକୁ ଜାଣିବା ପରେ ଆପଣ ଏହାକୁ ଫିଙ୍ଗିବା ପରିବର୍ତ୍ତେ ପାଖରେ ରଖିବେ । ତେବେ କମଳା ଚୋପା ସ୍ବାସ୍ଥ୍ୟ ଉପରେ କିପରି ପ୍ରଭାବ ପକାଏ , ଆସନ୍ତୁ ଜାଣିବା । 

୧. ହୃଦୟ ସ୍ୱାସ୍ଥ୍ୟ ପାଇଁ ଲାଭଦାୟକ

କମଳା ଚୋପାରେ ଫ୍ଲାଭୋନଏଡ୍ସ, ଫାଇବର ଏବଂ ପୋଟାସିୟମ ଭଳି ପୋଷକ ତତ୍ତ୍ୱ ରହିଛି, ଯାହା ହୃଦୟକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଏହି ତତ୍ତ୍ୱଗୁଡ଼ିକ ରକ୍ତଚାପକୁ ନିୟନ୍ତ୍ରଣ କରିଥାଏ ଏବଂ ରକ୍ତରେ କୋଲେଷ୍ଟ୍ରଲର ମାତ୍ରାକୁ କମ୍ କରିବାରେ ସହାୟକ ହୋଇଥାଏ, ଯାହା ଦ୍ୱାରା ହୃଦରୋଗର ଆଶଙ୍କା କମିଯାଏ ।

୨. ପାଚନ କ୍ରିୟାକୁ ଠିକ୍ କରେ

କମଳା ଚୋପାରେ ହାଇ ଫାଇବର ଥାଏ, ଯାହା ପାଚନ କ୍ରିୟାକୁ ଭଲ କରିବାରେ ସାହାଯ୍ୟ କରେ । ଏହା ଅନ୍ତଃନଳୀରେ ହେଉଥିବା ପ୍ରବାହକୁ କମ୍ କରିଥାଏ ଏବଂ କୋଷ୍ଠକାଠିନ୍ୟ ଭଳି ସମସ୍ୟାଗୁଡ଼ିକରୁ ମୁକ୍ତି ଦେବାରେ ସାହାଯ୍ୟ କରିଥାଏ । ଏହାର ସେବନ ଦ୍ୱାରା ପେଟ ସଫା ରହିଥାଏ ଏବଂ ପାଚନ ତନ୍ତ୍ର ମଜଭୁତ ହୋଇଥାଏ ।

୩. ଓଜନ ହ୍ରାସ କରିବାରେ ସହାୟକ

ଯଦି ଆପଣ ଓଜନ ହ୍ରାସ କରିବାକୁ ଚାହୁଛନ୍ତି ତେବେ କମଳା ଚୋପାର ସେବନ ଏକ ଉତ୍ତମ ବିକଳ୍ପ ହୋଇପାରେ । ଏହି ଚୋପାରେ ଥିବା ଫାଇବର ଏବଂ ଆଣ୍ଟିଅକ୍ସିଡେଣ୍ଟ ଭୋକକୁ ନିୟନ୍ତ୍ରଣ କରିବାରେ ସାହାଯ୍ୟ କରେ, ଯାହା ଦ୍ୱାରା ଅଧିକ ଖାଇବାର ଅଭ୍ୟାସ କମ୍ ହୋଇଥାଏ ଏବଂ ଓଜନ ହ୍ରାସ କରିବାରେ ସାହାଯ୍ୟ ମିଳିଥାଏ ।

୪. ସ୍କିନ୍ କେୟାର

କମଳା ଚୋପାର ପାଉଡରକୁ ଚର୍ମରେ ଲଗାଇବା ଦ୍ୱାରା ବ୍ରଣ ଏବଂ ଦାଗ କମିଯାଏ । ଏଥିରେ ଥିବା ଭିଟାମିନ୍ ସି ଏବଂ ଆଣ୍ଟିଅକ୍ସିଡେଣ୍ଟ ଚର୍ମକୁ ଉଜ୍ଜ୍ୱଳ ଏବଂ ସୁସ୍ଥ ରଖିଥାଏ । ଏହା ସ୍କିନ୍ ଅଏଲକୁ ମଧ୍ୟ ନିୟନ୍ତ୍ରଣ କରିଥାଏ ଏବଂ ଆଣ୍ଟି-ଏଜିଙ୍ଗ୍ ଗୁଣ ହେତୁ କୁଞ୍ଚନକୁ କମ୍ କରିବାରେ ସାହାଯ୍ୟ କରିଥାଏ ।

୫. ହାତ ଏବଂ ଗୋଡ଼ର ସଫେଇ

କମଳା ଚୋପା ଶରୀରକୁ ସଫା କରିବା ପାଇଁ ମଧ୍ୟ ବ୍ୟବହାର କରାଯାଇପାରେ । କମଳା ଚୋପା ପ୍ରାକୃତିକ କ୍ଲିନର ଭଳି କାମ କରିଥାଏ । 

୬. ପାଟି ଦୁର୍ଗନ୍ଧକୁ ଦୂର କରନ୍ତୁ

କମଳା ଚୋପାରେ ଆଣ୍ଟି-ବ୍ୟାକ୍ଟେରିଆଲ ଗୁଣ ଥାଏ, ଯାହା ପାଟିରେ ଜମା ହୋଇଥିବା ବ୍ୟାକ୍ଟେରିଆକୁ ଶେଷ କରିବାରେ ସାହାଯ୍ୟ କରିଥାଏ । ଏହାକୁ ଚୋବାଇବା ଦ୍ୱାରା ପାଟିରୁ ଦୁର୍ଗନ୍ଧ ମଧ୍ୟ ଦୂର ହୋଇପାରେ । 

୭. ଆଳସ୍ୟ ଏବଂ ଥକାପଣରୁ ଆରାମ

କମଳା ଚୋପାର ତେଲ ମାନସିକ ଥକାପଣ ଏବଂ ଚାପକୁ ଦୂର କରିବାରେ ସାହାଯ୍ୟ କରିଥାଏ । ଆପଣ କମଳା ଚୋପାର ତେଲକୁ ମାଲିସ କରି ଶାରୀରିକ ଥକାପଣ ଏବଂ ମାନସିକ ଚାପରୁ ଆରାମ ପାଇପାରିବେ । ଏହାର ସତେଜତା ଏବଂ ବାସ୍ନା ଆପଣଙ୍କୁ ଆରାମ ଦେଇଥାଏ ଏବଂ ଆପଣ ସତେଜ ଅନୁଭବ କରିଥା’ନ୍ତି ।

୮. ନିଶ୍ୱାସର ସତେଜତା ପାଇଁ ଟନିକ୍

କମଳା ଚୋପାରେ ଥିବା ଭିଟାମିନ୍ ସି ଏବଂ ଫ୍ଲାଭୋନଏଡ୍ସ ଶରୀରକୁ ଡିଟକ୍ସ କରିବାରେ ସାହାଯ୍ୟ କରିଥାଏ । ଏହା ଶରୀରରୁ ହାନିକାରକ ତତ୍ତ୍ୱଗୁଡ଼ିକୁ ବାହାର କରିଥାଏ ଏବଂ ସତେଜତା ପ୍ରଦାନ କରିଥାଏ ।