ଗୋଟିଏ ଚାମଚ ମହୁରେ ରହିଛି ଶହେ ରୋଗର ଉପଶମ !ଓଜନ ହ୍ରାସଠୁ ଆରମ୍ଭ କରି କ୍ୟାନସର ଭଳି ମାରାତ୍ମକ ବେମାରୀର କରିଥାଏ ମୂଳୋତ୍ପାଟନ

ବିଶୁଦ୍ଧ ମହୁ ଅଧିକ ଦିନ ପର୍ଯ୍ୟନ୍ତ ରହିଲେ ମଧ୍ୟ ଖରାପ ହୁଏ ନାହିଁ । ମହୁରେ ପାଣି ଭାଗ ଖୁବ୍ କମ୍ ଥିବାରୁ ଏଥିରେ ବ୍ୟାକ୍ଟେରିଆ ହୋଇନଥାଏ । ମହୁକୁ ଗରମ କଲେ ସେଥିରେ ଥିବା ଲାଭକାରୀ ଗୁଣ କମ୍ ହୋଇଯାଇଥାଏ । ମହୁ ସ୍ମରଣ ଶକ୍ତି ବୃଦ୍ଧି କରିବାରେ ସାହଯ୍ୟ କରିଥାଏ । ଏହା ବ୍ୟତୀତ ମହୁର ଅନେକ ଔଷଧୀୟ ଗୁଣ ରହିଛି । ତେବେ ଜାଣନ୍ତୁ କ୍ଷୀରରେ ମହୁ ମିଶାଇ ପିଇଲେ କଣ ଲାଭ ମିଳିଥାଏ । ବର୍ତ୍ତମାନ ସମୟରେ ମେଦବହୁଳତା ଏକ ମୁଖ୍ୟ ସମସ୍ୟା । ଏ କ୍ଷେତ୍ରରେ ପ୍ରତିଦିନ ଅଳ୍ପ ପରିମାନରୁ ମହୁ ସେବନ କରିବା ଭଲ । ଏହା ଦ୍ଵାରା ଶରୀରରେ ଥିବା ଅନାବଶ୍ୟକ ଚର୍ବି ଅଂଶ ଦୂର ହୋଇଥାଏ । ଏହା ରୋଗ ପ୍ରତିରୋଧକ ଶକ୍ତି ବଢାଇଥାଏ । ବିଶେଷ କରି ଏହା ସଂକ୍ରମଣ ଆଶଙ୍କାକୁ କମାଇଥାଏ ।

– କଫ, କାସ ଭଳି ଥଣ୍ଡାବ ରୋଗ ଏବଂ ଶ୍ୱାସନଳୀ ସଂକ୍ରମଣ ଦୂର କରିବାରେ ମହୁ ବେଶ୍ ଉପକାରୀ ।

– ଗରମ କ୍ଷୀରରେ ମହୁ ମିଶାଇ ପିଇଲେ ମାନସିକ ଚାପରୁ ମୁକ୍ତ ମିଳିଥାଏ ।

– ପ୍ରତିଦିନ ମହୁ ଖାଇବା ଦ୍ଵାରା ଶରୀରରେ କୋଲେଷ୍ଟରଲ୍ ସ୍ତର ନିୟନ୍ତିତ ରଖିବାରେ ସାହାଯ୍ୟ କରେ ।

– ଯେଉଁ ମହିଳାଙ୍କଠାରେ ହିମୋଗ୍ଲୋବିନ୍ ସ୍ତର କମିବା ରକ୍ତହୀନତା ଭଳି ସମସ୍ୟା ରହିଛି ସେମାନଙ୍କ ଲାଗି ପ୍ରତିଦିନ ମହୁ ଖାଇବା ଲାଭଦାୟକ ।

– ଗର୍ଭବତୀଙ୍କଠାରେ ନିଦ୍ରାହୀନତା ଏବଂ ମର୍ନିଂ ସିକନେସ୍ ଭଳି ସମସ୍ୟା ଦେଖାଦେଇଥାଏ, ଯାହାକୁ ଦୂର କରିବା ଲାଗି ମହୁ ଏକ ଭଲ ବିକଳ୍ପ ।

– ମହୁ ସେବନ ଦ୍ଵାରା ଏଥିରେ ଥିବା କାର୍ବୋହାଇଡ୍ରେଟ୍  ଗ୍ଳୁକୋଜ୍  ଆକାରରେ ଶରୀରକୁ ଯାଇଥାଏ । ଯାହା ଦୁର୍ବଳ ଲାଗିବା ଥକ୍ଲାପଣ ଆଦି  ଦୂର କରିବା ସହ କାର୍ଯ୍ୟକ୍ଷମତା ବଢାଇବାରେ ସାହାଯ୍ୟ କରିଥାଏ ।

– ପାଚନ ପ୍ରକିୟାକୁ ଭଲ ରଖିବାକୁ ଚାହୁଁଥିଲେ ଗରମ କ୍ଷୀରରେ ମହୁ ମିଶାଇ ପିଅନ୍ତୁ । ଏହା ଦ୍ୱାରା କୋଷ୍ଠ କାଠିନ୍ୟ ସମସ୍ୟାରୁ ମୁକ୍ତି ମିଳିଥାଏ ।

– କେବଳ ଏତିକି ନୁହେଁ ମହୁରେ ଅନେକ ସୌନ୍ଦର୍ଯ୍ୟ ବୃଦ୍ଧିକାରୀ ଉପାଦାନ ମଧ୍ୟ ରହିଛି । ଏହା ମୋଟାପଣ ଦୂର କରି ଶରୀରର ଗଠନ ଠିକ୍ ରଖିବା ସହ ତ୍ଵଚାର ଚମକ ବୃଦ୍ଧି କରିଥାଏ । ଏହା ଏକ ଭଲ ମଶ୍ଚରାଇଜର ମଧ୍ୟ ଏହାକୁ ଲଗାଇବା ଦ୍ଵାରା ତ୍ଵଚା, ଓଠ ଏବଂ କେସ କୋମଲ ହୋଇଥାଏ ।