ବଳି ପଡିଥିବା ସାବୁନକୁ ଫିଙ୍ଗି ଦେଉଛନ୍ତି କି ? ତେବେ ଘରେ ବସି ମାତ୍ର ୫ ମିନିଟରେ ଏଥିରୁ ପ୍ରସ୍ତୁତ କରିପାରିବେ ୧୦୦ଟଙ୍କିଆ ହ୍ୟାଣ୍ଡୱାସ୍, ଜାଣନ୍ତୁ ପୂରା ପ୍ରକ୍ରିୟା
ବଡ କଥା ହେଲା ଏଥିପାଇଁ ଆପଣଙ୍କୁ ଖର୍ଚ୍ଚାନ୍ତ ହେବାକୁ ପଡିବନି କି ଅନ୍ୟ କୌଣସି ଜିନିଷର ଆବଶ୍ୟକତା ମଧ୍ୟ ପଡିବ ନାହିଁ । କେବଳ ବଳି ପଡିଥିବା ସାବୁନର କିଛି ଖଣ୍ଡ ଏଥିପାଇଁ ଦରକାର ପଡିବ । ଏହି ସାବୁନ ଖଣ୍ଡରୁ ହିଁ ଆପଣ ଏତେ ମାତ୍ରାରେ ହ୍ୟାଣ୍ଡୱାସ ପ୍ରସ୍ତୁତ କରିପାରିବେ , ଯାହାର ବଜାର ଦର ପାଖାପାଖି ୧୦୦ଟଙ୍କାରୁ କମ୍ ହେବନାହିଁ । ବଳକା ସାବୁନ ଖଣ୍ଡ ସହିତ ଆପଣଙ୍କୁ ମିକ୍ସର, ଗୋଟିଏ ଗ୍ଲାସ ଗରମ ପାଣି ଏବଂ ଗୋଟେ ଚାମଚ ଡେଟଲର ଆବଶ୍ୟକତା ପଡିବ । ଏସବୁ ଗୁଡିକର କମ୍ବିନେସନରୁ ଆପଣ ୫୦୦ଏମଏଲରୁ ଅଧିକ ହ୍ୟାଣ୍ଡୱାସ ତିଆରି କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣଙ୍କ ଘରେ ବଳକା ସାବୁନ ଖଣ୍ଡ ନାହିଁ ତେବେ ଆପଣ ମାତ୍ର ୧୦ ଟଙ୍କିଆ ଦେହଲଗା ସାବୁନ ଆଣି ମଧ୍ୟ ଏଥିରୁ ହ୍ୟାଣ୍ଡୱାସ୍ ପ୍ରସ୍ତୁତ କରିପାରିବେ । ଯଦି ଆପଣ ଅଧିକ ଭଲ କ୍ୱାଲିଟିର ହ୍ୟାଣ୍ଡୱାସ୍ ତିଆରି କରିବାକୁ ଚାହୁଁଛନ୍ତି ତେବେ ଆପଣ କୌଣସି ମହଙ୍ଗା ତଥା ଭଲ ବ୍ରାଣ୍ଡର ସାବୁନ ଏଥିପାଇଁ ବ୍ୟବହାର କରିପାରିବେ ।
ହ୍ୟାଣ୍ଡୱାସ ପ୍ରସ୍ତୁତ କରିବାର ପୂରା ପ୍ରକ୍ରିୟା
• ସର୍ବପ୍ରଥମେ ସମସ୍ତ ସାବୁନ ଖଣ୍ଡକୁ ଏକାସାଥିରେ ମକ୍ସରରେ ପକାଇ ଦିଅନ୍ତୁ । ଯଦି ଆପଣ ନୂଆ ସାବୁନ ରୁ ହ୍ୟାଣ୍ଡୱାସ ପ୍ରସ୍ତୁତ କରିବାକୁ ଚାହୁଁଛନ୍ତି ତେବେ ସାବୁନଟିକୁ ଛୋଟ ଛୋଟ ଖଣ୍ଡରେ ଭାଗ କରି ମିକ୍ସରରେ ପକାଇଦିଅନ୍ତୁ ।
• ଏବେ ମିକ୍ସରରେ କିଛି ପରିମାଣରେ ପାଣି ଦିଅନ୍ତୁ । ତେବେ ପାଣି ସାବୁନ ଖଣ୍ଡ ବୁଡିବା ଯାଏ ଦିଅନ୍ତୁ ବେଶି ଦିଅନ୍ତୁ ନାହିଁ ।
• ଏହାପରେ ମିକ୍ସରକୁ ଚଲାଇ ଏହାର ପେଷ୍ଟ ପ୍ରସ୍ତୁତ କରନ୍ତୁ । ହେଲେ ଧ୍ୟାନ ରଖିବେ କି, ପ୍ରସ୍ତୁତ କରୁଥିବା ପେଷ୍ଟଙ୍କି ସଂପୂର୍ଣ୍ଣ ଭାବରେ ଗାଢ ହୋଇଥିବା ଦରକାର ।
• ଏହାପରେ ଏଥିରେ ଗୋଟିଏ ଗ୍ଲାସ୍ ଗରମ ପାଣି ମିଶାଇ ତାକୁ ଭଲ ଭାବରେ ଫେଂଟନ୍ତୁ । ଏଥିସହିତ ହିଁ ଆପଣ ରଖିଥିବା ଡେଟଲକୁ ବି ମିଶାଇ ଦିଅନ୍ତୁ ।
• ଏବେ ଏହାକୁ ଭଲ ଭାବରେ ଗୋଟିଏ ମିନିଟ୍ ପର୍ଯ୍ୟନ୍ତ ଫେଂଟନ୍ତୁ । ଏବେ ଆପଣଙ୍କ ହ୍ୟାଣ୍ଡୱାସ୍ ପୂରା ପ୍ରସ୍ତୁତ ହୋଇଯିବ ।
• ଏହାପରେ ଆପଣ ଏହାକୁ ଏକ ଭଲ ବୋତଲ ପୁରାଇ ବ୍ୟବହାର କରିପାରିବେ ।