ପ୍ଲାଷ୍ଟିକ ବୋତଲରେ ପାଣି ପିଇବା ଦ୍ୱାରା ହୋଇପାରନ୍ତି ନପୁଂସକ : ଅଧ୍ୟୟନ
ଆଜିକାଲି ଦୈନନ୍ଦିନ ଜୀବନରେ ସମସ୍ତେ ପ୍ଲାଷ୍ଟିକ ବୋତଲରେ ପାଣି ପିଇବାରେ ଅଭ୍ୟସ୍ତ ହୋଇଗଲେଣି । ଘରେ ଥିଲେ ମଧ୍ୟ ଆମେ ଗ୍ଲାସରେ ନ ପିଇ ପ୍ଲାଷ୍ଟିକ ବୋତଲରେ ପାଣି ପିଇବାକୁ ଭଲ ପାଇଥାଉ । କିନ୍ତୁ ଆପଣ ଜାଣନ୍ତି କି, ଏହାର ଅନେକ କୁପ୍ରଭାବ ଆମ ଶରୀର ଉପରେ ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ନ୍ୟୁୟର୍କ ବିଶ୍ୱ ବିଦ୍ୟାଳୟର ଗବେଷକମାନେ ଏହା ଉପରେ ଗବେଷଣା କରି ରିପୋର୍ଟ ଦେଇଛନ୍ତି କି, ପ୍ଲାଷ୍ଟିକ ବୋଲତରେ ପାଣି ପିଇବାଦ୍ୱାରା ଶରୀରରେ ହର୍ମୋନାଲ୍ ସିଷ୍ଟମ ଉପରେ କୁ ପ୍ରଭାବ ପଡିଥାଏ । କାରଣ ପ୍ଲାଷ୍ଟିକ ବୋତଲରେ ହାନୀକାରକ ରାସାୟନିକ ପଦାର୍ଥ ରହିଛି ।
ତେବେ ପାଖାପାଖି ୫ ହଜାର ଲୋକଙ୍କ ଉପରେ କରାଯାଇଥିବା ଏହି ଗବେଷଣାରୁ ସ୍ପଷ୍ଟ ହୋଇଛି ଯେ, ନିୟମିତ ଭାବେ ପ୍ଲାଷ୍ଟିକ ବୋତଲରେ ପାଣି ପିଉଥିବା ପୁରୁଷ ଏବଂ ମହିଳା ଶୀଘ୍ର ନପୁଂସକତାର ଶିକାର ହୋଇଥାନ୍ତି । ଏହା ଫଳରେ ସମ୍ଭୋଗ କରିବାର ଇଚ୍ଛା ମଧ୍ୟ ହ୍ରାସ ପାଇଥାଏ । ତେଣୁ ପ୍ଲାଷ୍ଟିକ ବୋତଲରେ ପାଣି ନ ପିଇବାକୁ ଗବେଷକମାନେ ପରାମର୍ଶ ଦେଇଛନ୍ତି ।