କନକ ବ୍ୟୁରୋ : ବିଶ୍ୱରେ ଭାରତ ଓ ଚୀନ ସବୁଠାରୁ ଅଧିକ ଜନସଂଖ୍ୟା ଥିବା ୨ ଟି ରାଷ୍ଟ୍ର । ବିଶ୍ୱ ଜନସଂଖ୍ୟାର ୪୦ ପ୍ରତିଶତ ଲୋକ କେବଳ ଏହି ଦୁଇଟି ଦେଶରେ ରହିଛନ୍ତି । ମାତ୍ର ଏବେ ଏହି ଦୁଇଟି ଦେଶର ଲୋକମାନଙ୍କ ହାରାହାରୀ ଆୟୁଷରେ ୮ ବର୍ଷ ଅନ୍ତର ଦେଖାଦେଇଛି । ଗୋଟିଏ ପଟେ ଚୀନର ଲୋକମାନଙ୍କ ହାରାହାରୀ ବୟସ ୭୭ ବର୍ଷ ଥିବା ବେଳେ ଭାରତରେ ଏହା ୭୦ ବର୍ଷ ମଧ୍ୟରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଚୀନର ଜାତୀୟ ସ୍ୱାସ୍ଥ୍ୟ କମିଶନ (ଏନଏଚସି) ମଙ୍ଗଳବାର ଦିନ ଲାଇଫ ଏକ୍ସପେକ୍ଟେସୀ ଅର୍ଥାତ ହାରାହାରୀ ଆୟୁଷ ବାବଦରେ ଏକ ରିପୋର୍ଟ ଜାରି କରିଛି । ଏଥିରେ ସ୍ପଷ୍ଟ କରାଯାଇଛି କି, ଚୀନ ନାଗରିକଙ୍କ ହାରାହାରୀ ଆୟୁଷ ୭୭.୯ ବର୍ଷ ଉପରେ ରହିଛି ।
କହିରଖୁ କି ୧୯୪୯ ମସିହାରେ ଯେତେବେଳେ ଚୀନରେ କମ୍ୟୁନିଷ୍ଟ ପାର୍ଟି କ୍ଷମତା ଦଖଲ କଲା ସେତେବେଳେ ଚୀନ ନାଗରିକଙ୍କ ହାରାହାରୀ ଆୟୁଷ ୩୫ ବର୍ଷ ଥିଲା । ହେଲେ ୧୯୪୮ ରେ ଭାରତ ସ୍ୱାଧୀନ ହେବା ବେଳକୁ ଭାରତୀୟ ନାଗରିକଙ୍କ ହାରାହାରୀ ଆୟୁଷ ୩୨ ବର୍ଷ ଥିଲା । ସେହି ତୁଳନାରେ ଏବେ ସାମ୍ପଲ ରେଜିଷ୍ଟେସନ ସିଷ୍ଟମର ରିପୋର୍ଟ ମୁତାବକ ଭାରତୀୟ ମାନଙ୍କର ହାରାହାରୀ ଆୟୁଷ ୬୯.୭ ବର୍ଷ ରହିଛି । ଅର୍ଥାତ ଚୀନର ଲୋକମାନେ ଭାରତୀୟ ଲୋକଙ୍କ ଠାରୁ ଅଧିକ ୮ ବର୍ଷ ବଞ୍ଚୁଛନ୍ତି ।