କନକ ବ୍ୟୁରୋ: ପୋଖରୀରୁ ଉଦ୍ଧାର ହେଲା ବସ୍ତା ଭର୍ତି ପୁରୁଣା ଚିଠି । କେବଳ ଏତିକି ନୁହେଁ ୫ବର୍ଷ ପୁରୁଣା ଏଟିଏମ କାର୍ଡ, ନିଯୁକ୍ତି ପତ୍ର, କିଶାନ ବିକାଶ ପତ୍ର, ଆଧାର କାର୍ଡ ଓ ଏଡମିଟ କାର୍ଡ ଜବତ ରଖାଯାଇଛି । ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରୀପାଲି ବ୍ଲକର ଦିଗସିରା ଗାଁ ପୋଖରୀରୁ ଏହି ସବୁ ଉଦ୍ଧାର କରାଯାଇଛି । ପୋଖରୀର ମାଟି ଖୋଳୁଥିବାବେଳେ ମାଟି ତଳୁ ଦୁଇ ବର୍ଷ ପୁରୁଣା ଚିଠି ପତ୍ର ବାହାରିଥିଲା । ତେବେ କିଏ କେଉଁ ପରିସ୍ଥିତିରେ ଏହାକୁ ପୋଖରୀରେ ପୋତି ଥିଲା ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଗାଁଲୋକେ ଡୁଙ୍ଗୁରୀପାଲି ପୁଲିସକୁ ଖବର ଦେବା ପରେ ଚିଠିପତ୍ର ସବୁ ଜବତ କରିବା ସହ ଛାନଭିନ ଆରମ୍ଭ କରିଛି ପୁଲିସ । ଘଟଣା ସମ୍ପର୍କରେ ଦିଗସିରା ପୋଷ୍ଟ ଅଫିସର ପୂର୍ବତନ ପୋଷ୍ଟ ମାଷ୍ଟର ଖଗେଶ୍ୱର ରଣାଙ୍କୁ ପଚରାଉଚରା କରୁଛି ପୁଲିସ । ଗତ ତିନି ମାସ ତଳେ ଖଗେଶ୍ୱର ରଣା ପୋଷ୍ଟ ମାଷ୍ଟର ପଦରୁ ଅବସରନେଇଛନ୍ତି । ଖଗେଶ୍ୱର ଅବସର ନେବା ପୂର୍ବରୁ ଦୀର୍ଘ ଦିନ ଧରି ଚିଠି ପତ୍ର ବାଂଟିବା ପରିବର୍ତେ ତାକୁ ପୋଖରୀରେ ପୋତି ଦେଇଥିବା ପ୍ରାଥମିକ ତଦନ୍ତରୁ ସୂଚନା ମିଳିଛି । କେବେଠୁ ଲୋକଙ୍କୁ ଚିଠି ପତ୍ର ବଂଟା ଯାଉନଥିଲା ଏବଂ କେଉଁ କେଉଁ ଗାଁର ଲୋକେ ଚିଠିପତ୍ର ପାଇନାହାନ୍ତି ସେ ନେଇ ପୁଲିସ ତଦନ୍ତ କରୁଛି ।