କନକ ବ୍ୟୁରୋ : ରୋଜଗାର ଦେଉଛି ଲେମନ ଗ୍ରାସ୍ ତେଲ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ୱାଭିମାନ ଅଂଚଳରେ ଏବେ ଆଉ ବେଆଇନ ଗଂଜେଇ ଚାଷ ନୁହେଁ ଲେମନ ଗ୍ରାସ୍ ତେଲ ଦଊଛି ଚାଷିଙ୍କୁ ରୋଜଗାର । ଆଇଟିଡିଏ ସଂସ୍ଥା ପକ୍ଷରୁ ଦୁଇ ବର୍ଷ ତଳେ ପାପରମେଟଲା ପଂଚାୟତର ତଣ୍ଠାଗୁଢ଼ା, ଯନ୍ତାପାଇ, ଲାଉଗୁଢା ଆଦି ଅଂଚଳକୁ ଲେମନ ଗ୍ରାସ ଚାଷ ପାଇଁ ଚାଷିଙ୍କୁ ଚାରା ଯୋଗାଇ ଦେଇଥିଲା । ଘାସରୁ ତେଲ ଉତ୍ପାଦନ କରିବା ପାଇଁ ତୈଳ ଉତ୍ôପାଦନ ପ୍ରୋସେସିଙ୍ଗ ୟୁନିଟର ମଧ୍ୟ ସ୍ଥାପନ କରିଥିଲା ସଂସ୍ଥା । ଏବେ ଫସଲ ଅମଳ ହେବା ପରେ ଜମିରୁ ଘାସ ଗୁଢିକୁ କାଟି ଆଣି ପ୍ରୋସେସିଙ୍ଗ ୟୁନିଟରେ ତେଲ ପ୍ରସ୍ତୁତ କରୁଛନ୍ତି ଚାଷି ।

Advertisment

ପ୍ରଶାସନ ତରଫରୁ ଚାଷିଙ୍କୁ ସମସ୍ତ ସୁବିଧା ଯୋଗାଇ ଦିଆଯାଉଥିବା ବେଳେ ଏହି ଅଂଚଳର ଚାଷି ମାନେ ପ୍ରାୟ ୨୦ ଏକର ଜମିରେ ଏବେ ଲେମନ ଗ୍ରାସ୍ ଚାଷ କରିଛନ୍ତି । ଲେମସ ଗ୍ରାସରୁ ସାଧାରଣତଃ ସୁଗନ୍ଧିତ ତୌଳ ବାହାର କରାଯାଏ । ଏହି ତେଲ କସମେଟିକ ସାମଗ୍ରୀ ଓ ଫାର୍ମା କମ୍ପାନୀରେ ବ୍ୟବହାର କରାଯାଇଥାଏ । ଏହି ତେଲର ଦର ୧୨୦୦ ରୁ ୧୩୦୦ ଟଙ୍କା ପର୍ଯ୍ୟନ୍ତ ବଜାରରେ ବିକ୍ରି ହୋଇଥାଏ । ଲେମନ ଗ୍ରାସ୍ ଏକ ଲାଭ ଦାୟକ ଚାଷ ହୋଇଥିବାରୁ ଚାଷି ଏହି ଚାଷ କରିବା ପାଇଁ ମନ ବଳାଉଛନ୍ତି ।

ଜମିରେ ଥରେ ଏହି ଚାଷ ହେଲେ ଚାଷିଙ୍କୁ ପାଖାପାଖି ୮ ବର୍ଷ ପର୍ଯ୍ୟନ୍ତ ଲାଭ ମିଳିଥାଏ । ଚାଷୀ ମାନେ ଏହି ଚାଷକୁ ବେଶ ଉତ୍ସାହର ସହ କରୁଥିବା ବେଳେ ବିକ୍ରିବଟା ପାଇଁ ଭଲ ବ୍ୟବସ୍ଥା କରିବାକୁ ଦାବି କରିଛନ୍ତି । ତେବେ ପ୍ରଶାସନ ତରଫରୁ ଲେମନ ଗ୍ରାସ୍ ତେଲ ବିକ୍ରୟ ପାଇଁ ବଜାରର ବ୍ୟବସ୍ଥା ଗଲେ ଅନେକ ଚାଷୀ ଉପକୃତ ହୋଇପାରନ୍ତେ ।

ପାରମ୍ପରିକ ଚାଷ ଅପେକ୍ଷା ଏଭଳି ଏକ ନୂଆ ପ୍ରକାରର ଚାଷ କରି ଅନ୍ୟମାନଙ୍କ ପାଇଁ ପ୍ରେରଣା ପାଏଟିଛନ୍ତି ଚିତ୍ରକୋଣ୍ଡା ଅଂଚଳର ଚାଷୀ ।