କନକ ବ୍ୟୁରୋ: ଇରାନରେ ହମାସ୍ ନେତା ଇସମାଇଲ ହାନିଆଙ୍କ ହତ୍ୟା ପରେ ମଧ୍ୟପ୍ରାଚ୍ୟରେ ଉତ୍ତେଜନା ବଢ଼ିଯାଇଛି । ରବିବାର ଲେବାନନ ପକ୍ଷରୁ ଇସ୍ରାଏଲ ଉପରେ ମିଜାଇଲ ମାଡ଼ କରାଯାଇଛି । ଏହି ସମୟରେ ଯୁଦ୍ଧ ସମୟରେ ବାଜୁଥିବା ସାଇରନ ଶୁଣିବାକୁ ମିଳିଛି । ଲେବାନନର ଆକ୍ରମଣ ପରେ ଇସ୍ରାଏଲ ପୁରା ଦେଶରେ ରେଡ ଅଲର୍ଟ ଜାରି କରିଛି । ତେବେ ଇସ୍ରାଏଲର ଦାବି ଲେବାନନର କ୍ଷେପଣାସ୍ତ୍ରକୁ ଆଇରନ ଡୋମ ସହାୟତାରେ ମଝି ଆକାଶରେ ନଷ୍ଟ କରି ଦେଇଛି । ସେପଟେ ମଧ୍ୟପ୍ରାଚ୍ୟରେ ଯୁଦ୍ଧ ଆଶଙ୍କା ବଢୁଥିବାରୁ ସତର୍କମୂଳକ ପଦକ୍ଷେପ ନେଇଛନ୍ତି ଆମେରିକା ଓ ବ୍ରିଟେନ । ନିଜ ନିଜ ନାଗରିକଙ୍କୁ ଲେବାନନ ଛାଡ଼ିବାକୁ ବ୍ରିଟେନ ଓ ଆମେରିକା ନିର୍ଦ୍ଦେଶ ଦେଇଛନ୍ତି । ପୂର୍ବରୁ ଭାରତ ମଧ୍ୟ ଲେବାନନରେ ରହୁଥିବା ଭାରତୀୟ ନାଗରିକଙ୍କୁ ଲେବାନନ ଛାଡିବାକୁ ପରାମର୍ଶ ଦେଇ ସାରିଛନ୍ତି । ଏବେ ମଧ୍ୟପ୍ରାଚ୍ୟରେ ତୀବ୍ର ଉତ୍ତେଜନା ଥିବା ବେଳେ ଯେକୌଣସି ମୂହୂର୍ତରେ ଯୁଦ୍ଧ ଆରମ୍ଭ ହେବା ସମ୍ଭାବନା ରହିଛି ।