କନକ ବ୍ୟୁରୋ: ପୁୁଣି ବଲାଙ୍ଗୀରରେ ମୁହାଁମୁହିଁ ହୋଇଛନ୍ତି ବାବୁ ଓ ନେତା । ବଲାଙ୍ଗୀର ଏସପିଙ୍କୁ ପାଖରେ ବସାଇ ଆଇନଶୃଙ୍ଖଳାର ପାଠ ପଢାଇଛନ୍ତି ପୂର୍ବତନ ମନ୍ତ୍ରୀ ତଥା ବିଜେପିର ବରିଷ୍ଠ ନେତା କନକବର୍ଦ୍ଧନ ସିଂଦେଓ । ପାଟଣାଗଡରେ କେଭି ସିଂହଦେଓ ଓ ଏସପି ନୀତିନ କୁଶଲକରଙ୍କ ବାର୍ତ୍ତାଳାପର ଭିଡିଓ ଏବେ ସାମ୍ନାକୁ ଆସିଛି । ଏସପି-ପୂର୍ବତନ ମନ୍ତ୍ରୀଙ୍କ ମଧ୍ୟରେ ଆଇନ ଶୃଙ୍ଖଳାକୁ ନେଇ କଥା କଟାକଟି ହୋଇଛି । ଆଉ ଏସପିଙ୍କୁ ଆଇନର ପାଠ ପଢାଇଛନ୍ତି କେଭି । ଗୋଟିଏ ପରେ ଗୋଟିଏ ପ୍ରଶ୍ନ କରିଚାଲିଛନ୍ତି । ବିଭିନ୍ନ ମାମଲାରେ ଏସପିଙ୍କ ସେହି ସମାନ ଉତ୍ତର ଥିଲା ଘଟଣାର ତଦନ୍ତ ଚାଲିଛି । ଯାହାକୁ ନେଇ କେଭି ଏସପିଙ୍କୁ ପାଲଟା ପ୍ରଶ୍ନ କରିଥିଲେ । ହତ୍ୟା ମାମଲା ଚପାଇ ଦେବାକୁ ମାମଲାକୁ ଅନ୍ୟରୂପ ଦିଆଯାଉଥିବା ଅଭିଯୋଗ କରିଛନ୍ତି କେଭି । ଏହାପରେ କେଭିଙ୍କ ଉତର ରଖିଛନ୍ତି ଏସପି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପ୍ରକୃତରେ ପାଟଣାଗଡର ଆଇନଶୃଙ୍ଖଳା ପରିସ୍ଥିତି ନେଇ ଦୁଇଦିନ ତଳେ ବିଜେପି କର୍ମୀମାନେ ସ୍ଥାନୀୟ ଥାନା ଆଗରେ ଧାରଣା ଦେଇଥିଲେ । ଏଥିରେ ସାମିଲ ହୋଇଥିଲେ କେ.ଭି ସିଂହଦେଓ । ଆନ୍ଦୋଳନକାରୀ ଏସପି ଆସିଲେ ଧାରଣାରୁ ଉଠିବେ ବୋଲି ଜିଦ୍ ଧରିଥିଲେ । ଶେଷରେ ଘଟଣାସ୍ଥଳକୁ ଏସପି ଆସିଥିଲେ । ଏହି ସମୟରେ ଏସପି ଓ ପୂର୍ବତନ ମନ୍ତ୍ରୀ ମୁହାଁମୁହିଁ ହୋଇଛନ୍ତି । ଆନ୍ଦୋଳନ ପ୍ରତ୍ୟାହୃତ ହୋଇଥଲେ ବି ଦାବି ପୂରଣ ପାଇଁ ୭ ଦିନର ମହଲତ ଦେଇଛନ୍ତି ବିଜେପି କର୍ମୀ ।
ପୂର୍ବରୁ କେଭି ବଲାଙ୍ଗୀରର ବେଲପଡା ବିଡିଓଙ୍କୁ ପିଅନ କହି ଚର୍ଚ୍ଚାକୁ ଆସିଥିଲେ । କିଛିମାସ ତଳେ ତାଙ୍କ ସ୍ତ୍ରୀ ତଥା ବଲାଙ୍ଗୀର ସାଂସଦ ସଙ୍ଗୀତା ସିଂହଦେଓଙ୍କ ସହ ବଲାଙ୍ଗୀର ପ୍ରୋଜେକ୍ଟ ନିର୍ଦ୍ଦେଶକଙ୍କ ଯୁକ୍ତିତର୍କ ବ ହୋଇଥିଲା । ସେହିଭଳି ଜିଲ୍ଲାରେ ସନ୍ତୋଷ ସିଂ ସାଲୁଜା- ବଲାଙ୍ଗୀର ଜିଲ୍ଲାପାଳଙ୍କ କଥାବାର୍ତା ବି ଆଲୋଚନାର ବିଷୟ ହୋଇଥିଲା । ଆଉ ଏବେ ପୁଣି ବାବୁ ଓ ନେତାଙ୍କ କଥା କଟାକଟି ବଲାଙ୍ଗୀରରେ ଚର୍ଚ୍ଚାର ବିଷୟ ହୋଇଛି ।