ମାନବ ପ୍ରେମୀଙ୍କ ମୃତ୍ୟୁ ମାମଲାରେ ହେବ ଲାଏ-ଡିଟେକ୍ସନ୍ ଟେଷ୍ଟ । ପତ୍ନୀ ବିଦ୍ୟାଶ୍ରୀ ଓ ବନ୍ଧୁ ବିକାଶ, ପପୁଙ୍କ ସମେତ ୪ଜଣଙ୍କ ବୟାନକୁ ପୁଣିଥରେ ପରୀକ୍ଷା କରିବ କ୍ରାଇମବ୍ରାଂଚ
କନକ ବ୍ୟୁରୋ : ସମାଜସେବୀ ଆଦିତ୍ୟ ଦାଶଙ୍କ ମୃତ୍ୟୁ ମାମଲାରେ ଖୋଳତାଡ଼ କରୁଥିବା କ୍ରାଇମବ୍ରାଂଚ ଥଳକୂଳ ପାଉନଥିବା ବେଳେ ଲାଏ ଡିଟେକ୍ସନ୍ ଟେଷ୍ଟ କରିବା ପାଇଁ ମନସ୍ଥ କରିଛି । ତଦନ୍ତ ଘେରରେ ଥିବା ସମସ୍ତ ବ୍ୟକ୍ତିଙ୍କ ଲାଏ ଡିଟେକ୍ସନ ଟେଷ୍ଟ ପାଇଁ ଫରେନସିକ ଡିପାର୍ଟମେଂଟକୁ ଆବେଦନ କରିଛି କ୍ରାଇମବ୍ରାଂଚ । ଜିଆରପି ପୁଲିସ ପରେ କ୍ରାଇମବ୍ରାଂଚ ମାମଲାର ତଦନ୍ତ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ପୁଅକୁ ନ୍ୟାୟ ମିଳିନି, ଅନ୍ୟପଟେ ସୋସିଆଲ ମିଡିଆରେ ଅପପ୍ରଚାର କରାଯାଉଥିବାରୁ ମର୍ମାହତ ହୋଇ ପଡ଼ିଛନ୍ତି ମୃତ ଆଦିତ୍ୟ ଦାଶଙ୍କ ବାପା-ମାଆ । ଏକ ଭିଡିଓ ବାର୍ତାରେ ସେମାନେ ଅଭିଯୋଗ କରିଛନ୍ତି, ଆଦିତ୍ୟ ଦାଶଙ୍କ ବାପା-ମାଆ ଖାଇବାକୁ ପାଉନାହାନ୍ତି, ବିଜୁଳି ବିଲ୍ ଦେଇ ପାରୁନାହାନ୍ତି ବୋଲି କିଛି ଲୋକ ଅପପ୍ରଚାର ଚଳାଇ ସେମାନଙ୍କୁ ବଦନାମ କରୁଛନ୍ତି ।
ଗୋଟିଏ ପଟେ ଆଦିତ୍ୟ ଦାଶଙ୍କ ପରିବାର ନ୍ୟାୟ ଦାବି କରୁଥିବା ବେଳେ କ୍ରାଇମବ୍ରାଂଚ ହାତରେ କିଛି ଠୋସ୍ ପ୍ରମାଣ ପଡ଼ିନାହିଁ । ଅନ୍ୟପଟେ ଯେଉଁମାନଙ୍କୁ ତଦନ୍ତ ପରିସରକୁ ନିଆଯାଇଛି, ସେମାନେ ବୟାନ ବଦଳାଉଥିବା ସୂଚନା ମିଳିଛି । ଏଭଳି ସ୍ଥିତିରେ ଲାଏ ଡିଟେକସନ୍ ଟେଷ୍ଟ ଉପରେ ଭରସା କରିଛି କ୍ରାଇମବ୍ରାଂଚ ।