କନକ ବ୍ୟୁରୋ: ଗଞ୍ଜାମ ଖଲ୍ଲିକୋଟରେ ଗଡୁନି ଲକ୍ଷ୍ମୀ ବସ୍। ଗ୍ରାମାଞ୍ଚଳ ବସ୍ ଡ୍ରାଇଭରଙ୍କ ଆନ୍ଦୋଳନ ଯୋଗୁଁ ବସ୍ ଚଳାଚଳ ବନ୍ଦ ହୋଇଛି। ବସ୍ ଚଳାଚଳ ବନ୍ଦ କରି ଧାରଣାରେ ବ୍ଲକ ସାମ୍ନାରେ ବସିଛନ୍ତି ସମସ୍ତ ଗ୍ରାମାଞ୍ଚଳ ବସ୍ ଡ୍ରାଇଭର ଓ କଣ୍ଡକ୍ଟର। ବସ୍ ରଖିବାକୁ ନେଇ ୪ ଦିନ ପୂର୍ବରୁ ୩ ଗାଁରେ ବସ୍ ଡ୍ରାଇଭରକୁ ଆକ୍ରମଣ ହୋଇଥିଲା। ଗତକାଲି ମଧ୍ୟ ୧୬ ନମ୍ବର ଜାତୀୟ ରାଜପଥ ପଣ୍ଡିତ ଗାଁ ଛକରେ ଆକ୍ରମଣ କରାଯାଇଥିଲା। ଏହାର ପ୍ରତିବାଦରେ ଆଜି ଆନ୍ଦୋଳନରେ ବସିଛନ୍ତି ଗ୍ରାମାଞ୍ଚଳ ବସ୍ ଡ୍ରାଇଭର।