ପାକିସ୍ତାନ କ୍ରିକେଟ ଟିମରେ ନାଁରେ ମାମଲା ରୁଜୁ । ଜାଣନ୍ତୁ କେଉଁଠି ଓ କାହିଁକି ଖେଳାଳୀଙ୍କ ନାଁରେ ରୁଜୁ ହେଲା ମାମଲା?
କନକ ବ୍ୟୁରୋ : ପାକିସ୍ତାନ ଟିମ୍ ଏବେ ଯେଉଁଠି ବି କ୍ରିକେଟ ଖେଳିବାକୁ ଯାଉଛି ସେଠାକୁ ଦେଶର ଜାତୀୟ ପତାକା ନେଇ ଯାଉଥିବାର ଦେଖିବାକୁ ମିଳୁଛି । ମ୍ୟାଚ୍ ପୂର୍ବରୁ ଅଭ୍ୟାସ ସମୟରେ ପାକିସ୍ତାନୀ ଖେଳାଳୀ ମାନେ ଦେଶର ଜାତୀୟ ପତାକା ପଡିଆ ଭିତରକୁ ନେଉଥିବାର ଦେଖିବାକୁ ମିଳିଛି । ଖାସକରି ଟି-୨୦ ବିଶ୍ୱକପରେ ପାକିସ୍ତାନ ଖେଳାଳୀଙ୍କ ଏଭଳି ଅନ୍ଦାଜକୁ ନେଇ ସୋସିଆଲ ମିଡ଼ିଆରେ ଚର୍ଚ୍ଚା ହୋଇଥିଲା । ଟି-୨୦ ବିଶ୍ୱକପ ପରେ ଏବେ ପାକିସ୍ତାନ ଦଳ ବାଂଲାଦେଶ ଗସ୍ତରେ ଯାଇଥିବା ବେଳେ ମଧ୍ୟ ଅଭ୍ୟାସ ସମୟରେ ପଡିଆକୁ ଜାତୀୟ ପତାକା ନେଇ ଯାଇଥିବାର ଦେଖିବାକୁ ମିଳିଛି । ଖାସକରି ମୀରପୁରରେ ଦଳ ଅଭ୍ୟାସ କରୁଥିବା ବେଳେ ପଡିଆ ମଝିରେ ପାକିସ୍ତାନର ଜାତୀୟ ପତାକା ଦେଖିବାକୁ ମିଳିଥିଲା । ଯାହାକୁ ନେଇ ବିବାଦ ଦେଖିବାକୁ ମିଳିଥିଲା । ତେବେ ଏହି ବିବାଦ ଉପୁଜିବା ଫଳରେ ପାକିସ୍ତାନ ଟିମ୍ ଅଭ୍ୟାସ ସମୟରେ ପଡିଆ ମଧ୍ୟକୁ ଜାତୀୟ ପତାକା ନେବାକୁ ଅନୁମତି ମାଗିଛି । କିନ୍ତୁ ଏବେ ଏହି ମାମଲାରେ ନୂଆ ମୋଡ ସାମ୍ନାକୁ ଆସିଛି । ମିଳିଥିବା ସୂଚନା ମୁତାବକ, ପଡିଆ ମଝିରେ ପାକିସ୍ତାନର ଜାତୀୟ ପତାକା ଉଡିବାକୁ ନେଇ ପୂରା ଟିମ୍ ବିରୋଧରେ ଢାକାରେ ମାମଲା ରୁଜୁ ହୋଇଛି । ଅଧିନାୟକ ବାବର ଆଜମଙ୍କ ସମେତ ମୋଟ ୨୧ ଜଣ ଖେଳାଳୀଙ୍କ ନାଁରେ ମାମଲା ରୁଜୁ ହୋଇଛି । ଯାହା ଏହି ବିବାଦକୁ ଆହୁରି ରୋଚକ କରିଛି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ପାକିସ୍ତାନ କ୍ରିକେଟ ଖେଳାଳୀ ଅଭ୍ୟାସ ସମୟରେ ପଡିଆରେ ଜାତୀୟ ପତାକା ଉଡାଇଥିବା ବେଳେ ଅନ୍ୟପଟେ ବାଂଲାଦେଶବାସୀ ଏହାକୁ ଏକ ରାଜନୈତିକ ଦିଗ ଆଡକୁ ଇଙ୍ଗିତ କରୁଥିବା କହିଛନ୍ତି । ସାଧାରଣତଃ ଦ୍ୱିପାକ୍ଷିକ କିମ୍ବା କୌଣସି ଅର୍ନ୍ତଜାତୀୟ ସିରିଜ ସମୟରେ ଦେଶର ଜାତୀୟ ପତାକା ଷ୍ଟାଡିୟମରେ ଦେଖିବାକୁ ମିଳିଥାଏ । କିନ୍ତୁ ବାଂଲାଦେଶ କ୍ରିକେଟ ବୋର୍ଡ ୨୦୧୪ରେ ଏହି ଅଧିନିୟମ ଉପରେ କଟକଣା ଲଗାଇଥିଲା । ବିଦେଶୀ ଦେଶ ନିଜର ରାଷ୍ଟ୍ରୀୟ ଧ୍ୱଜ ଆଣିବା ଉପରେ ରୋକ ଲଗାଇଥିଲା ବିସିବି । କିନ୍ତୁ ଏଭଳି ନିଷ୍ପତ୍ତିକୁ ନେଇ ଆଲୋଚନା ହେବା ପରେ କଟକଣା ହଟାଇଥିଲା ବିସିବି ।
ଏହି ନୂଆ ବିବାଦ ସାମ୍ନାକୁ ଆସିବା ପରେ ପାକିସ୍ତାନର ମିଡିଆ ମ୍ୟାନେଜର କହିଛନ୍ତି, ଏହା ଆମ ପାଇଁ କୌଣସି ନୂଆ କଥା ନୁହେଁ । ସକଲେନ ମୁସ୍ତାକ ଟିମରେ ସାମିଲ ହେବା ପରେ ଦଳ ପକ୍ଷରୁ ଏଭଳି କରାଯାଉଛି । ଏଭଳି କରିବା ଦ୍ୱାରା ଖେଳାଳୀଙ୍କୁ ପ୍ରେରଣା ମିଳୁଥିବା କୁହାଯାଉଛି । ଯେଉଁଥିପାଇଁ ଟି-୨୦ ବିଶ୍ୱକପରେ ପାକିସ୍ତାନ ଖେଳାଳୀଙ୍କୁ ଅଭ୍ୟାସ ମ୍ୟାଚରେ ଜାତୀୟ ପତାକା ନେଉଥିବା ଦେଖିବାକୁ ମିଳୁଛି । ବାଂଲାଦେଶ ଗସ୍ତରେ ଯାଇଥିବା ପାକିସ୍ତାନ ଟିମ୍ ଟି-୨୦ ସିରିଜ ଜିତିଥିବା ବେଳେ ଏବେ ଟେଷ୍ଟ ସିରିଜ ଉପରେ ନଜର ରହିଛି ।