ଆସନ୍ତା ୨ ଦିନ ଯାଏଁ ରାଜ୍ୟରେ ବର୍ଷା ସମ୍ଭାବନା: ପାଣିପାଗ କେନ୍ଦ୍ରର ସୂଚନା; ଦକ୍ଷିଣ ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା
କନକ ବ୍ୟୁରୋ: ବିହାରର ପଶ୍ଚିମ ଭାଗ ଏବଂ ଦକ୍ଷିଣ ଛତିଶଗଡ ଉପରେ ଥିବା ଘୂର୍ଣ୍ଣିବଳୟ ସ୍ଥଳଭାଗରେ ଲଘୁଚାପରେ ପରିଣତ ହୋଇଛି । ଏହାସହ ଉତର ପଶ୍ଚିମ ରାଜସ୍ଥାନରୁ ଉତର ପୂର୍ବ ବଙ୍ଗୋପସାଗ ପର୍ଯ୍ୟନ୍ତ ଏକ ଟ୍ରଫ ଲାଇନ ସୃଷ୍ଟି ହୋଇଥିବାରୁ ଏହା ପ୍ରଭାବରେ ସାରା ଓଡିଶାରେ ବର୍ଷା ଜାରି ରହିଛି । ହେଲେ ଏହା ଦକ୍ଷିଣ ମୁହାଁ ଥିବାରୁ ଆସନ୍ତା ଦୁଇ ଦିନ ଓଡିଶାରେ କେଉଁଠି ପ୍ରବଳ ବର୍ଷା ସମ୍ଭାବନା ନାହିଁ । କିନ୍ତୁ ୯ତାରିଖରୁ ଲଘୁଚାପ ଏବଂ ଉତର ପଶ୍ଚିମ ବଙ୍ଗୋପସାଗର ଓ ପଶ୍ଚିମବଙ୍ଗ ଉପକୂଳରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଯୋଗୁଁ ଅଧିକାଂଶ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ପାଣିପାଗ କେନ୍ଦ୍ର ସୂଚନା ଅନୁଯାୟୀ, ଉତର ପଶ୍ଚିମ ରାଜସ୍ଥାନରୁ ଉତର ପୂର୍ବ ବଙ୍ଗୋପସାଗ ପର୍ଯ୍ୟନ୍ତ ସୃଷ୍ଟି ହୋଇଥିବା ଟ୍ରଫ୍ ଲାଇନ ଯେତେଦିନ ରହିବ ସେତେଦିନ ଓଡିଶାରେ ବର୍ଷା ହେବ । ଏହା ପ୍ରଭାବରେ ଗତ ୨୪ ଘଂଟା ମଧ୍ୟରେ ସାରା ରାଜ୍ୟରେ ପ୍ରବଳ ବର୍ଷା ହୋଇଥିବା ବେଳେ ଝାରସୁଗୁଡାରେ ସର୍ବାଧିକ ବର୍ଷା ୩୬ମିଲିମିଟର ରେର୍କଡ କରାଯାଇଛି । ସେହିପରି ସମ୍ବଲପୁରରେ ୨୮ ମିଲିମିଟର ଏବଂ ହିରାକୁଦରେ ୨୬ମିଲିମିଟର ବର୍ଷା ରେର୍କଡ ହୋଇଛି । ଆହୁରି ୪୮ଘଂଟା ଯାଏ ସାରା ଓଡିଶାରେ ବର୍ଷା ଜାରି ରହିବ ।