ବାହାଘର ପାଲଟିଲା ଶେଷଯାତ୍ରା। ଶୋକରେ ବୁଡିଲା ଖଣ୍ଡଦେଉଳି ଗାଁ

କନକ ବ୍ୟୁରୋ: ଦିଗପହଣ୍ଡି ଦୁର୍ଘଟଣାରେ ଦୋହଲି ଯାଇଛି ଗାଁ । କାନ୍ଦ ବୋବାଳିରେ ଫାଟିପଡୁଛି ଝିଅ ବାହାଘରକୁ ନେଇ ହସଖୁସିରେ ଥିବା ପରିବାର । ଭଉଣୀ-ଭିଣୋଇଙ୍କ ହାତଗଣ୍ଠି ଫିଟାଇ ଘରକୁ ଫେରୁଥିବା ଖଣ୍ଡଦେଉଳି ଗାଁର ଅଶୋକ ପ୍ରଧାନଙ୍କ ସାନ ଝିଅ ରୂପାଲି ଶବ ପାଲଟି ଯାଇଛି । କେବଳ ରୂପାଲି ନୁହଁନ୍ତି ଏହି ଦୁର୍ଘଟଣାରେ ୧୨ ଜଣଙ୍କ ଜୀବନ ଦୀପ ଲିଭି ଯାଇଛି । ଏବଂ ୭ ଜଣ ବିଭିନ୍ନ ଡାକ୍ତରଖାନାରେ ଚିକିତ୍ସାଧିନ ଥିବା ଗଂଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡା ସୂଚନା ଦେଇଛନ୍ତି ।

ବାହାନଗା ଟ୍ରେନ ଦୁର୍ଘଟଣାର ଲୁହ ରାଜ୍ୟବାସୀଙ୍କ ଆଖିରୁ ସୁଖି ନଥିବା ବେଳେ ଦିଗପହଣ୍ଡି ଦୁର୍ଘଟଣାକୁ ନେଇ ଲହୁ ଆଉ ଲୁହରେ ଭିଜିଛି ଗଂଜାମ ଜିଲ୍ଲାର ଖଣ୍ଡଦେଉଳି ଗାଁର ମାଟି ।