ମାଲକାନଗିରି ଜିଲ୍ଲାରେ ପ୍ରଥମ କରୋନା ମୃତ୍ୟୁ: କୋଭିଡ ନିୟମ ପାଳନ କରି ପରିବାରକୁ ଦିଆଗଲାନି ମୃତଦେହ; ମର୍ଯ୍ୟାଦାର ସହ ଅନ୍ତିମସଂସ୍କାର କଲା ପ୍ରଶାସନ
ଶେଷ କୃତ୍ୟରେ ସାମିଲ ହେଲେ ମୃତକଙ୍କ ପୁଅ ଓ ୨ ସଂପର୍କୀୟ
କନକ ବ୍ୟୁରୋ: କରୋନାର ଭୟ ଭିତରେ ମାନବ ପଣିଆ ଦେଖାଇଛି ମାଲକାନଗିରି ଜିଲ୍ଲା ପ୍ରଶାସନ । କରୋନାରେ ମୃତ୍ୟୁ ବରଣ କରିଥିବା ରୋଗୀଙ୍କୁ ସମ୍ମାନର ସହ ଶେଷକୃତ୍ୟ କଲେ ଜିଲ୍ଲାର ପୁଲିସ ଓ ପ୍ରଶାସନିକ ଅଧିକାରୀ । ଜିଲ୍ଲାର ପ୍ରଥମ କରୋନା ରୋଗୀଙ୍କ ମୃତଦେହକୁ ମର୍ଯ୍ୟାଦାର ସହ ଶେଷ କୃତ୍ୟ କରିଛି ପ୍ରଶାସନ । ଗୋଟିଏ ପଟେ କରୋନା ରୋଗୀଙ୍କ ମୃତଦେହକୁ ଶେଷ ମର୍ଯ୍ୟାଦା ଦିଆଯାଉନଥିବା ଖବର ଆସୁଛି । ଏପରି ସମୟରେ କରୋନାରେ ମୃତ ରୋଗୀଙ୍କୁ ରୀତି ନୀତି ଅନୁସାରେ ସମ୍ମାନଜନକ ଅନ୍ତିମ ସଂସ୍କାର କରିଥିବା ମାଲକାନଗିରି ଜିଲ୍ଲା ପ୍ରଶାସନର ଏପରି ପଦକ୍ଷେପକୁ ସାଧାରଣରେ ପ୍ରଶଂସା କରାଯାଉଛି । ଗତକାଲି ମାଲକାନଗିରି ଜିଲ୍ଲାରେ ପ୍ରଥମ କରୋନା ରୋଗୀଙ୍କ ମୃତ୍ୟୁବରଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
କୋଭିଡ ଗାଇଡଲାଇନ ଅନୁସରଣ କରି କିଛି ପିପିଇ ପିନ୍ଧା ପୌର କର୍ମଚାରୀଙ୍କୁ ନେଇ ରୀତିନୀତି ଅନୁସାରେ ଶବ ସକ୍ରାର କରିଛନ୍ତି ପ୍ରଶାସନିକ ଅଧିକାରୀ । କଫିନ ପ୍ରସ୍ତୁତ ଠାରୁ ଆରମ୍ଭ କରି ଶବ ଦାହ ଯାଏଁ ଯେମିତି ମୃତଦେହକୁ କୌଣସି ଅସମ୍ମାନ ନହୁଏ, ସେଥିପାଇଁ ମଶାଣୀ ଜୁଇ ନିକଟରେ ଉପସ୍ଥିତ ଥିଲେ ସ୍ଥାନୀୟ ତହସିଲଦାର, ଆଇଆଇସି, ପୌର ଅଧିକାରୀ ଓ ଯନ୍ତ୍ରୀ । ଏପରିକି ମୃତଦେହକୁ ସଂପୂର୍ଣ୍ଣ ମର୍ଯ୍ୟାଦାର ସହ ଆମ୍ବୁଲାନ୍ସରେ ମଶାଣୀକୁ ନିଆଯାଇଥିଲା । କୋଭିଡ ଗାଇଡଲାଇନ ଅନୁସାରେ ସଂକ୍ରମଣକୁ ଏଡାଇବା ପାଇଁ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯାଇନଥିଲା । ତେବେ ଅନ୍ତିମ ସଂସ୍କାରରେ ସାମିଲ ହୋଇଥିଲେ ମୃତକଙ୍କ ପୁଅ ଓ ଦୁଇ ସଂପର୍କୀୟ ।