ତୁର୍କୀ ଓ ଗ୍ରୀସ ସୀମାରେ ବଡ଼ ଧରଣର ଭୂମିକମ୍ପ : ଭୁଶୁଡି ପଡ଼ିଲା ବହୁତଳ ବିଶିଷ୍ଟ କୋଠା, ୧୭ ମୃତ, ଶତାଧିକ ଆହତ ସୂଚନା; ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୭, ଗ୍ରୀସରେ ସୁନାମୀ, ମାଡିଆସିଲା ସମୁଦ୍ର
କନକ ବ୍ୟୁରୋ : ତୁର୍କୀ ଓ ଗ୍ରୀସ ସୀମାରେ ବଡ଼ ଧରଣର ଭୂମିକମ୍ପ । ଭୂକମ୍ପର ଝଟକା ଏତେ ଭୟଙ୍କର ଥିଲା ଯେ ବଡ଼ ବଡ଼ ବହୁତଳ ବିଶିଷ୍ଟ କୋଠା ତାସ ଘର ପରି ଭୁଶୁଡ଼ି ପଡିଛି । ଆମେରିକା ଭୁତତ୍ୱ ସର୍ବେକ୍ଷଣ ସଂସ୍ଥାର ଆକଳନ ଅନୁସାରେ ରିକ୍ଟର ସ୍କେଲରେ ଏହାର ତୀବ୍ରତା ୭ ଥିବା ଜଣାପଡିଛି । ତୁର୍କୀର ଇଜମିରରେ ଅନେକ ବଡ ବଡ କୋଠା ଭାଙ୍ଗି ପଡିଥିବାର ଦୃଶ୍ୟ ଦେଖିବାକୁ ମିଳିଛି । ତୁର୍କୀର ଜରୁରୀକାଳୀନ ବିଭାଗ ଦେଇଥିବା ସୂଚନା ଅନୁସାରେ ଭୂମିକମ୍ପର କେନ୍ଦ୍ର ଏଜିୟନ ସାଗରରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଭୂକମ୍ପ ଯୋଗୁଁ ତୁର୍କୀ, ବୁଲଗେରିଆ, ଦକ୍ଷିଣ ମାର୍ସିଡୋନିଆ ଏବଂ ଗ୍ରୀସ ଆଦି ଦେଶ ପ୍ରଭାବିତ ହୋଇଥିବା ଜଣାପଡିଛି । ଗ୍ରୀସରେ ସୁନାମୀ ଆସିଥିବା ସୂଚନା ମିଳିଛି । ବଡ଼ ବଡ଼ କୋଠା ଭାଙ୍ଗି ପଡିଥିବା ବେଳେ ଏହା ଭିତରେ ଅନେକ ଚାପି ହୋଇ ମୃତ୍ୟୁବରଣ କରିଥିବା ଆଶଙ୍କା କରାଯାଉଛି । ୬ ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ ହୋଇଥିବା ବେଳେ ୨ଶହରୁ ଅଧିକ ଆହତ ହୋଇଥିବା କୁହାଯାଉଛି । ତେବେ ଭୂକମ୍ପର ମାତ୍ରାକୁ ଦେଖିଲେ ଏହି ସଂଖ୍ୟା ଆହୁରି ବୃଦ୍ଧି ପାଇବ ବୋଲି ଆଶଙ୍କା କରାଯାଉଛି ।