ବିପୁଳ ପରିମାଣର ଚୋରା ପିଡିଏସ ଚାଉଳ ଓ ଗହମ ଜବତ : ଲୋକଙ୍କଠୁ କମ ମୂଲ୍ୟରେ ପିଡିଏସ ସାମଗ୍ରୀ କିଣି ବଜାରରେ ଅଧିକ ଟଙ୍କାରେ କରାଯାଉଥିଲା ବିକ୍ରି
ଦୁଇ ଭାଇଙ୍କୁ ଗିରଫ କଲା ପୁଲିସ
କନକ ବ୍ୟୁରୋ : ଗଂଜାମ ଜିଲ୍ଲା ତାରାସିଂ ଥାନା ଗାୟାଗଣ୍ଡା ଗାଁର ଜଣେ ବ୍ୟକ୍ତିଙ୍କ ଗୋଦାମ ଘରେ ଚଢାଉ କରି ବିପୁଳ ପରିମାଣର ପିଡ଼ିଏସ ସାମଗ୍ରୀ ଜବତ କରିଛି ତାରାସିଂ ପୋଲିସ । ୨୦ କ୍ୱିଂଟାଲ ଚାଉଲ, ୨କ୍ୱିଂଟାଲ ଗହମ ଗଛିତ ଥିବା ବେଳେ ପୋଲିସ ଚଢଉ କରି ପିଡ଼ିଏସ ସାମଗ୍ରୀ ଜବତ କରିଛି । ଜବତ ପିଡ଼ିଏସ ସାମଗ୍ରୀର ଆନୁମାନିକ ମୁଲ୍ୟ ୬୦ ହଜାର ଟଙ୍କା ହେବ ବୋଲି ବୋଲି ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
କମ୍ ମୁଲ୍ୟ ଲୋକଙ୍କ ଠାରୁ ପିଡ଼ିଏସ ସାମଗ୍ରୀ କିଣି ଏହାକୁ ପୁନଃପ୍ୟାକିଂ କରି ଅଧିକ ଟଙ୍କାରେ ବିକ୍ରି କରାଯାଉଥିଲା । ଏନେଇ ପୋଲିସ ସୁଚନା ପାଇବା ପରେ ଚଢାଉ କରି ଗଛିତ ସାମଗ୍ରୀ ଜବତ କରି ଏଥିରେ ସମ୍ପୃକ୍ତ ଥିବା ଦୁଇ ଭାଇଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ ଏ.ସନ୍ତୋଷ କୁମାର ପାତ୍ର, ବାଉରୀ ପାତ୍ର । ଏମାନେ ଦୀର୍ଘଦିନ ହେଲା ଚୋରାରେ ପିଡ଼ିଏସ ସାମଗ୍ରୀ ବନାଉଥିଲେ ।