ରାଉରକେଲାରେ ବଡ଼ଧରଣର ପିଲା ବିକ୍ରି ରାକେଟର ପର୍ଦ୍ଦାଫାଶ : ପୋଲିସ କହିଲା ପୁଅର ଦାମ୍ ୪ ଲକ୍ଷ , ଝିଅର ଦାମ୍ ୩୦ ହଜାର; ରାକେଟରେ ସଂପୃକ୍ତ ୭ ଗିରଫ
କନକ ବ୍ୟୁରୋ : ରାଉରକେଲାରେ ଏକ ବଡଧରଣ ପିଲା ବିକ୍ରି ରାକେଟର ପର୍ଦ୍ଦାଫାଶ ହୋଇଛି । ରାକେଟରେ ସଂପୃକ୍ତ ୭ ଜଣଙ୍କୁ ପୋଲିସ ଗିରଫ କରିଥିବାବେଲେ ଜଣେ ଅଭିଯୁକ୍ତ ଫେରାର ହୋଇଯାଇଛି । ତେବେ ସାଂଘାତିକ କଥାଟି ହେଉଛି ଏହି ରାକେଟରେ ସଂପୃକ୍ତ ଅପରାଧୀ, ପ୍ରଥମେ ନିରୀହ ଗରିବଙ୍କୁ ଯୋଗାଯୋଗ କରୁଥିଲେ । ପିଲା ବିକ୍ରି କରିବାକୁ ଟଙ୍କାର ଲୋଭ ଦେଖାଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦୁର୍ଦୀନରେ ଥିବା ଲୋକ ପଇସା ଲୋଭରେ ପିଲା ବିକ୍ରି କରିବାକୁ ରାଜି ହୋଇଯାଉଥିଲେ, ଆଉ ନିଜ ଜନ୍ମକଲା ଛୁଆକୁ ବିକ୍ରି କରୁଥିଲେ । ପୁଅର ଦାମ ୩ରୁ ୪ ଲକ୍ଷ ଟଙ୍କା ଓ ଝିଅର ଦାମ ୩୦ ହଜାର ଟଙ୍କା ଥିଲା ବୋଲି କହିଛନ୍ତି ଖୋଦ ପୋଲିସ ଅଧିକାରୀ । ଏହି ଗ୍ୟାଙ୍ଗର ୭ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଆଳୁ ଖୋଳୁଖୋଳୁ ମହାଦେବ ପରି ଏହି ପୂରା ରାକେଟର ପର୍ଦ୍ଦାଫାଶ କରିଛି ରାଉରକେଲା ପ୍ଲାଂଟ ସାଇଟ ପୋଲିସ ।