କନକ ବ୍ୟୁରୋ : ଦେଶରେ କୋଭିଡର ତୃତୀୟ ଲହର ଜାରି ରହିଥିବା ବେଳେ ଏହା ଏତେଟା ଗୁରୁତର ନାହିଁ । କିନ୍ତୁ ଏହା ପରଠାରୁ ହୁଏତ କୋଭିଡ୍ ଭୂତାଣୁ ରହିପାରେ, କିନ୍ତୁ ମହାମାରୀ ରୂପରେ ନୁହେଁ । ଏହା ସହିତ ଲକଡାଉନ, ସଟଡାଉନ, ନାଇଟକର୍ଫ୍ୟୁ ମଧ୍ୟ ବନ୍ଦ ହୋଇଯିବ । ଅନ୍ତର୍ଜାତୀୟ ଖ୍ୟାତିସଂପନ୍ନ ମେଡିକାଲ ଜର୍ଣ୍ଣାଲ ଲାନସେଟ ପକ୍ଷରୁ କରାଯାଇଥିବା ଅନୁଧ୍ୟାନରୁ ଏଭଳି ତଥ୍ୟ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କୋଭିଡ୍ ଭୂତାଣୁ କିନ୍ତୁ ଘୁରି ବୁଲୁଥିବ, ଟିକାର ପ୍ରଭାବରେ କମୁଥିବ, ଗୋଟିଏ ଗୋଟିଏ ସିଜନରେ କୋଭିଡର ପ୍ରଭାବ ଅନୁଭୂତ ହେବ । ସବୁଠାରୁ ଅଧିକ ପ୍ରଭାବ ଶୀତଦିନରେ ଅନୁଭୂତ ହେବ । କିନ୍ତୁ ଭୂତାଣୁ ତାର ପ୍ରଭାବ ହରାଇବ । ମେଡିକାଲ ଜର୍ଣ୍ଣାଲ ଲାନସେଟର ଅନୁଧ୍ୟାନରୁ ଅନେକ ଆଶ୍ୱସ୍ତି କଲାଭଳି ତଥ୍ୟ ପ୍ରକାଶ ପାଇଛି । ଭୂତାଣୁର ପ୍ରଭାବ ଧୀରେ ଧୀରେ ଲୋକଙ୍କ ଉପରେ କମିବ । କାରଣ ବହୁ ସଂଖ୍ୟାରେ ଲୋକ ଏହା ଭିତରେ ଭୂତାଣୁ ଦ୍ୱାରା ସଂକ୍ରମିତ ହୋଇଯାଇଛନ୍ତି ଏବଂ ଟିକା ନେଇଛନ୍ତି । କୁହାଯାଉଛି, ଏହି ପ୍ରତିଷେଧକ ବ୍ୟବସ୍ଥା, କରୋନା ଭୂତାଣୁକୁ ଅଧିକ ସଂକ୍ରମିତ କରିବାର ସୁଯୋଗ ଦେବନି । ଆଗକୁ ଭଲ କ୍ୱାଲିଟିର ମାସ୍କ ଓ ସାମାଜିକ ଦୂରତା କୋଭିଡ ଲହର ସମୟରେ ମଣିଷକୁ ସୁରକ୍ଷା ଦେବ ।