ଏୟାର ଆମ୍ବୁଲାନ୍ସରେ ଦିଲ୍ଲୀରେ ପହଞ୍ଚିଲେ ବିହାର ପୂର୍ବତନ ମୁଖ୍ୟମନ୍ତ୍ରୀ: ସ୍ୱତନ୍ତ୍ର ଗ୍ରୀନ୍ କରିଡରରେ ଏମ୍ସରେ ଲାଲୁ ଯାଦବଙ୍କୁ କରାଗଲା ଭର୍ତ୍ତି
ତେଜସ୍ୱୀ ଯାଦବ କହିଲେ, ଫୁସଫୁସରେ ଜମି ଯାଇଛି ପାଣି
କନକ ବ୍ୟୁରୋ: ଏୟାର ଆମ୍ବୁଲାନ୍ସରେ ଦିଲ୍ଲୀରେ ପହଞ୍ଚିଲେ ବିହାର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଦବ । ସ୍ୱତନ୍ତ୍ର ଗ୍ରୀନ୍ କରିଡରରେ ତାଙ୍କୁ ନିଆଯାଇ ଏମ୍ସରେ ଭର୍ତ୍ତି କରାଯାଇଛି । ଲାଲୁଙ୍କ ପୁଅ ତେଜସ୍ୱୀ ଯାଦବ କହିଛନ୍ତି- ତାଙ୍କ ଫୁସଫୁସରେ ପାଣି ଜମି ଯାଇଛି । ରାଞ୍ଚିର ରିମ୍ସରେ ଚିକିତ୍ସିତ ହେଉଥିବା ସମୟରେ ଆରଜେଡ଼ି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରେ ଲାଗିଥିଲା । ଫଳରେ ତାଙ୍କୁ ଏୟାର ଆମ୍ବୁଲାନ୍ସରେ ଦିଲ୍ଲୀ ଏମ୍ସକୁ ସ୍ଥାନାନ୍ତରିତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଲାଲୁଙ୍କ ପୁଅ ତେଜସ୍ୱୀ ଯାଦବଙ୍କ କହିବା ଅନୁସାରେ, ଲାଲୁଙ୍କ ଛାତିରେ ପାଣି ଜମିଛି ଏବଂ ନିଃଶ୍ୱାସ ପ୍ରଶ୍ୱାସରେ ସେ ସମସ୍ୟା ଅନୁଭବ କରୁଛନ୍ତି । ଶୁକ୍ରବାର ଲାଲୁଙ୍କ ପୁଅ ତେଜସ୍ୱୀ ଯାଦବ, ତେଜ ପ୍ରତାପ ଯାଦବ ଏବଂ ତାଙ୍କ ସ୍ତ୍ରୀ ରାବିଡ଼ ଦେବି ଝିଅ ମିଶା ଭାରତୀ ଲାଲୁଙ୍କୁ ରିମ୍ସ ମେଡ଼ିକାଲରେ ଦେଖାକରିଥିଲେ । ଚାରା ଘୋଟାଲା ମାମଲାରେ ଲାଲୁ ଯାଦବ ରାଞ୍ଚି ଜେଲରେ ଅଛନ୍ତି । ରାଞ୍ଚିର ରିମ୍ସ ମେଡ଼ିକାଲରେ ତାଙ୍କର ଲମ୍ବା ସମୟ ଧରି ଚିକିତ୍ସା ଜାରି ରହିଥିଲା । ତେବେ ଲାଲୁଙ୍କ ସ୍ୱାସ୍ଥ୍ୟବସ୍ଥାକୁ ଦୃଷ୍ଟିରେ ରଖି ତାଙ୍କୁ ଦିଲ୍ଲୀ ଏମ୍ସକୁ ସ୍ଥାନାନ୍ତରିତ କରାଯାଇଛି ।