ଲାଲୁ ଯାଦବଙ୍କୁ କିଡନୀ ଦେଲେ ଝିଅ ରୋହିଣୀ, ଟ୍ୱିଟ୍ କରି ଦୁହିଁଙ୍କ ସ୍ୱାସ୍ଥ୍ୟାବସ୍ଥା ଜଣାଇଲେ ତେଜସ୍ୱୀ

264

କନକ ବ୍ୟୁରୋ: ଆରଜେଡି ମୁଖ୍ୟ ଲାଲୁ ପ୍ରସାଦଙ୍କୁ କିଡନୀ ଦେଇଛନ୍ତି ଝିଅ ରୋହିଣୀ । ଆଜି ଲାଲୁଙ୍କର କିଡନୀ ପ୍ରତ୍ୟାରୋପଣ ସଫଳ ହୋଇଛି । ଅପରେସନ୍ ପରେ ଉଭୟଙ୍କୁ ଆଇସିୟୁକୁ ସ୍ଥାନାନ୍ତର କରାଯାଇଛି । ଲାଲୁଙ୍କ ପୁଅ ତେଜସ୍ୱୀ ଯାଦବ ଟ୍ୱିଟ୍ କରି ଉଭୟଙ୍କ ସ୍ୱାସ୍ଥ୍ୟାବସ୍ଥା ବାବଦରେ ଜଣାଇଛନ୍ତି ।

ସୂଚନା ମୁତାବକ, ଲାଲୁ ଯାଦବ କିଡନୀ ସମସ୍ୟା ସହ ଏକାଧିକ ସମସ୍ୟା ଭୋଗୁଥିଲେ । କିଡନୀ ଟ୍ରାନ୍ସପ୍ଲାଣ୍ଟ ପାଇଁ ତାଙ୍କୁ ଆକ୍ଟୋବର ମାସରେ ସିଙ୍ଗାପୁର ନିଆଯାଇଥିଲା । ସେଠାରେ ତାଙ୍କର ଚିକିତ୍ସା ଚାଲୁଥିଲା । ଏହାପରେ ଝିଅ ରୋହିଣୀଙ୍କ କିଡନୀ ସହ ତାଙ୍କ କିଡନୀ ମ୍ୟାଚ୍ କରିବାରୁ ଆଜି ତାଙ୍କ କିଡନୀ ପ୍ରତ୍ୟାରୋପଣ ହୋଇଛି ।