ଆଜି ଜେଲରୁ ମୁକୁଳି ପାରନ୍ତି ଲାଲୁ ଯାଦବ । ବିହାରେରେ ଚାଲିଛି ସ୍ୱାଗତ ପାଇଁ ଆୟୋଜନ
କନକ ବ୍ୟୁରୋ : ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ରାଷ୍ଟ୍ରୀୟ ଜନତା ଦଳ ନେତା ଲାଲୁ ପ୍ରସାଦ ଯାଦବଙ୍କୁ ନେଇ ବଡ ଖବର ଆସିଛି । ଆଜି ଜେଲରୁ ମୁକୁଳିପାରନ୍ତି ଲାଲୁ । ଆଜି ଦିନ ୧୨ ଟା ପୂର୍ବରୁ ରାଞ୍ଚି ସ୍ଥିତ ବିର୍ଶାମୁଣ୍ଡା ଜେଲରୁ ଦିଲ୍ଲୀ ଏମସ୍ କୁ ରିଲିଜ ଅର୍ଡର ର କପି ମିଳିବାର ସମ୍ଭାବନା ରହିଛି । ଏହା ହେଲେ ଅପରାହ୍ନ ସୁଦ୍ଧା ଲାଲୁ ଯାଦବ ଜେଲରୁ ବାହାରି ପାରନ୍ତି । କହିରଖୁ କି ଲାଲୁଙ୍କୁ ଜେଲରୁ ବାହାର କରିବାକୁ ବିର୍ଶାମୁଣ୍ଡା ଜେଲ କର୍ତ୍ତୁପକ୍ଷ ଗୁରୁବାର ଦିନ ଏମସ୍ କୁ ରିଲିଜ ପାଇଁ ସଫ୍ଟ କପି ପଠାଇ ଦେଇଥିଲେ । ହେଲେ ଦିଲ୍ଲୀ ଏମସ୍ ରିଲିଜ୍ କରିବା ପୂର୍ବରୁ ଜେଲ କର୍ତ୍ତୁପକ୍ଷକୁ ରିଲିଜ ଅର୍ଡରର ହାର୍ଡ କପି ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି କି ଜେଲରୁ ମୁକୁୂଳିବା ପରେ ଲାଲୁ ଯାଦବ ଘରକୁ ଫେରିବେ କି ମେଡିକାଲରେ ରହିବେ ତାହା ଏମସ୍ ସ୍ଥିର କରିବ । ଅନ୍ୟପଟେ ବିଶ୍ୱସ୍ଥ ସୂତ୍ରରୁ ମିଳିଥିବା ଖବର ମୁତାବକ ଜେଲରୁ ମୁକୁଳିବା ପରେ ଲାଲୁ ଦିଲ୍ଲୀ ସ୍ଥିତ ମିସା ଭାରତୀ ଙ୍କ ଘରେ ରହିବେ । ଏନେଇ ସେଠାରେ ପ୍ରସ୍ତୁତି ଚାଲିଥିବା କଥା କୁହାଯାଇଛି । ଅନ୍ୟପଟେ ପରିବାର ଲୋକେ କହିଛନ୍ତି କି କୋଭିଡ କାରଣରୁ ଲାଲୁ ଯାଦବ ଜେଲରୁ ମୁକୁଳିବା ପରେ ଏମସ୍ ରେ ରହିବା ସୁରକ୍ଷିତ ।
ସୂଚନା ଥାଉକି ଦୁମକା କୋଷାଗରରୁ ଅବୈଦ୍ଧ ଅର୍ଥକାରବାରକୁ ନେଇ ଚାଲିଥିବା ମାମଲାରେ ଜାମିନ ପରେ ଲାଲୁ ଯାଦବ ଜେଲରୁ ବାହାରକୁ ବାହାରିପାରି ନଥିଲେ । ଏବେ ଜାମିନ ପ୍ରକ୍ରିୟା ଶେଷ ହେବା ପରେ ସେ ଜେଲରୁ ବାହାରିବା ନେଇ ରାସ୍ତା ସଫା ହୋଇଛି ।