କନକ ବ୍ୟୁରୋ : କଂଗ୍ରେସ ନେତା ପ୍ରିୟଙ୍କା ଗାନ୍ଧୀଙ୍କୁ ସୀତାପୁରରେ ଗିରଫ କରାଯିବା ଓ ତାଙ୍କୁ ନେଇ ଏକ ଗେଷ୍ଟ ହାଉସରେ ରଖିବା ଉପରେ ଚିନ୍ତା ପ୍ରକଟ କରିଛନ୍ତି ତାଙ୍କ ସ୍ୱାମୀ ରବର୍ଟ ଭଦ୍ରା । ସେ ଏକ ଜାତୀୟ ଗଣମାଧ୍ୟମକୁ କହିଛନ୍ତି କି “ମୋ ସ୍ତ୍ରୀ ସହିତ ମୋତେ ଭେଟିବାର ସୁଯୋଗ ଦିଆଯାଉ ନାହିଁ ” । ଅନ୍ୟପଟେ ସେ ଅଭିଯୋଗ କରିଛନ୍ତି କି ସରକାର ସେଠି ଇଣ୍ଟରନେଟ୍ ବନ୍ଦ କରିଦେଇଛନ୍ତି ଫଳରେ ସେ ପ୍ରିୟଙ୍କାଙ୍କ ସହ ବି କଥା ହୋଇପାରୁ ନାହାଁନ୍ତି । ପ୍ରିୟଙ୍କା ଗିରଫ୍ ହୋଇଥିବାରୁ ପିଲାମାନେ ଭୟଭିତ ହୋଇପଡିଛନ୍ତି ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସେ ରାହୁଲ ଗାନ୍ଧୀଙ୍କ ସହ ଯାଉଛନ୍ତି କି ବୋଲି ପଚରା ଯାଇଥିବା ପ୍ରଶ୍ନର ଉତ୍ତର ଦେଇ ଭଦ୍ରା କହିଛନ୍ତି ଯେ “ରହୁଲ କହିଲେ ପ୍ରଥମେ ସେ ଯିବେ” । ହେଲେ ମୋତେ ସେଠାରେ ପୁଣି ଅଟକ ରଖିପାରନ୍ତି ବୋଲି ମୋତେ ଡର ଲାଗୁଛି , ଏଭଳି ହେଲେ ମୋ ପିଲାଙ୍କ କଥା କିଏ ବୁଝିବ ବୋଲି ଭଦ୍ରା ଉତ୍ତର ଦେଇଥିଲେ ।
କହିରଖୁ କି ଲକ୍ଷ୍ମୀପୁର ଘଟଣା ପରେ ପ୍ରଥମେ ପ୍ରିୟଙ୍କା ଗାନ୍ଧୀ ମୃତ କୃଷକଙ୍କ ପରିବାରକୁ ଭେଟିବାକୁ ଯାଉଥିବା ବେଳେ ତାଙ୍କୁ ସୀତାପୁର ଠାରେ ପୋଲିସ ଅଟକ ରଖି ଗିରଫ୍ କରିଥିଲା । ୭୨ ଘଂଟା ଧରି ସେ ପୋଲିସ ହେପାଜତରେ ଥିବା ବେଳେ ଆଜି ୟୁପି ଗୃହ ବିଭାଗ ରାହୁଲ ଗାନ୍ଧୀଙ୍କ ସହ ତାଙ୍କୁ ଲକ୍ଷ୍ମୀପୁର ଯିବାକୁ ଅନୁମତି ଦେଇଛନ୍ତି ।