ଲକ୍ଷ୍ମୀପୁର ଖେରୀରେ କୃଷକଙ୍କୁ ଗାଡି ମଡାଇ ମାରିଦେବା ଘଟଣା, ଆଶିଷ ମିଶ୍ରାଙ୍କ ଜାମିନ ଆବେଦନ ଖାରଜ
କନକ ବ୍ୟୁରୋ : ଲକ୍ଷ୍ମୀପୁର ଖେରୀ ହତ୍ୟା ମାମଲାରେ କେନ୍ଦ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରାଙ୍କ ଜାମିନ ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି । ଏନେଇ କୋର୍ଟ କହିଛନ୍ତି କି ନଭେମ୍ବର ୨୯ ତାରିଖ ସୁଦ୍ଧା ଅଭିଯୋଗ ସ୍ପଷ୍ଟ କରିବା ଉପରେ ଟ୍ରାଏଲ କୋର୍ଟ ନିଷ୍ପତ୍ତି ଜଣାଇବା ପରେ ଡିସେମ୍ବର ୧୨ ତାରିଖରେ ଏହି ମାମଲାର ଶୁଣାଣି କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଆଶିଷ ମିଶ୍ରାଙ୍କ ଓକିଲ ଜାମିନ ଆବେଦନରେ କହିଛନ୍ତି କି ଗତ ୧୧ ମାସ ଧରି ଆଶିଷ ମିଶ୍ରା ଜେଲରେ ବନ୍ଦି ହୋଇ ରହିଛନ୍ତି । ଏହାସହ ଘଟଣା ଦିନ କୌଣସି ଗୁଳି ଚଳାଯାଇଥିବା କଥାର ପ୍ରମାଣ ନଥିବା କଥା ଆଶିଷଙ୍କ ଓକିଲ କୋର୍ଟରେ ସଫେଇ ଦେଇଛନ୍ତି ।
ସେପଟେ ଏହି ଘଟଣାରେ ମୃତ୍ୟୁବରଣ କରିଥିବା ଲୋକଙ୍କ ତରଫରୁ ବରିଷ୍ଠ ଓକିଲ ଦୁଷ୍ୟନ୍ତ ଦବେ କହିଛନ୍ତି କି ଏହା ଦୁର୍ଘଟଣା ନୁହେଁ ବରଂ ସୁନିୟୋଜିତ ଘଟଣା । ଏହି ଘଟଣାରେ ୫ ଜଣଙ୍କର ମୃତ୍ୟୁ ହୋଇଛି । ଏନେଇ ଡିସେମ୍ବର ୨୬ ତାରିଖରେ କୋର୍ଟ ଉତ୍ତର ପ୍ରଦେଶ ସରକାରଙ୍କୁ ନୋଟିସ କରିଥିଲେ ।
ସୂଚନା ଥାଉକି, ଏହି ମାମଲାରେ ଆଶିଷ ମିଶ୍ରାଙ୍କୁ ଉତ୍ତର ପ୍ରଦେଶ ହାଇକୋର୍ଟ ପ୍ରଥମେ ଜାମିନ ପ୍ରଦାନ କରିଥିଲେ । ହେଲେ ଏନେଇ ସୁପ୍ରିିମକୋର୍ଟରେ ଆବେଦନ ହେବା ପରେ ହାଇକୋର୍ଟଙ୍କ ନିଷ୍ପତ୍ତି ଉପରେ ସୁପ୍ରିମକୋର୍ଟ ରୋକ୍ ଲଗାଇଥିଲେ ।