ଲକ୍ଷ୍ମୀପୁରରେ ଲାଗିଲା ୧୪୪ ଧାରା ,ଇଣ୍ଟରନେଟ୍ ବନ୍ଦ
କନକ ବ୍ୟୁରୋ : ଉତ୍ତରପ୍ରଦେଶ ଲକ୍ଷ୍ମୀପୁରରେ ଗତକାଲି ହୋଇଥିବା ହିସାଂରେ ଏପର୍ଯ୍ୟନ୍ତ ୮ ଜଣଙ୍କର ମୃତ୍ୟୁ ହୋଇଛି । ଏହାକୁ ନେଇ ୟୁପି ସହ ସାରା ଦେଶରେ ରାଜନୀତି ଜୋର ଧରିଛି । ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ସ୍ଥାନୀୟ ପ୍ରଶାସନ ଲକ୍ଷ୍ମୀପୁର ଅଞ୍ଚଳରେ ଇଣ୍ଟରନେଟ ସେବା ବନ୍ଦ କରିବା ସହ ସେଠାରେ ୧୪୪ ଧାରା ଲାଗୁ କରିଛନ୍ତି । ଏହସହ ଗାଜିଆବାଦ ପୋଲିସ ଜାତୀୟ ରାଜପଥ-୨୪ ଓ ୯ କୁ ସମ୍ପୂର୍ଣ୍ଣ ବନ୍ଦ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ କାଲି ହୋଇଥିବା ହିଂସା ମୃତ୍ୟୁବରଣ କରିଥିବା ଚାଷୀଙ୍କ ପରିବାରକୁ ଭେଟିବାକୁ ଯାଉଥିିବା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କୁ ହରଭଙ୍ଗା ସୀମାରେ ପୋଲିସ ନିଜ ହେପାଜତକୁ ନେଇଛି । ଅନ୍ୟପଟେ କଂଗ୍ରେସ ଅଭିଯୋଗ କରିଛି ଯେ ପୋଲିସ ପ୍ରିୟଙ୍କା ଗାନ୍ଧୀଙ୍କୁ ଠେଲାପେଲା କରିଛି । ପ୍ରିୟଙ୍କା ଗାନ୍ଧୀଙ୍କ ସହ ପୋଲିସ ଏଭଳି କରିବା ବେଳେ ପ୍ରିୟଙ୍କା ପୋଲିସକୁ ଚ୍ୟାଲେଞ୍ଜ କରିଥିବା ଜଣାପଡିଛି । ଏନେଇ ପ୍ରିୟଙ୍କା କହିଛନ୍ତି କି ୟୁପିରେ ଏବେ ୟୁପିରେ ଆଇନ କାନୁନ କିଛି ନାହିଁ, ହେଲେ ଦେଶର ସମ୍ବିଧାନକୁ ବଦଳାଇବାକୁ ଚେଷ୍ଟା କରୁଥିବା ଲୋକଙ୍କୁ ସଫଳ ହେବାକୁ ଦିଆଯିବ ନାହିଁ ବୋଲି ପ୍ରିୟଙ୍କା କହିଛନ୍ତି ।
Due to the closure of National Highway 24 and National Highway 9 by Ghaziabad Police regarding protesters,” says Delhi Traffic Police; advises commuters going to Ghaziabad from Sarai Kale Khan to take alternate route pic.twitter.com/DiUllguDog
— ANI (@ANI) October 4, 2021
ସେପଟେ ଚାଷୀଙ୍କୁ ଏଭଳି ଅମାନବୀୟ ଭାବେ କରାଯାଇଥିବା ହତ୍ୟାର ପ୍ରତିବାଦ କରିଛି ସଂଯୁକ୍ତ କିଷାନ ମୋର୍ଚ୍ଚା । ମୋର୍ଚ୍ଚାର ପ୍ରଶାସନିକ ମୁଖ୍ୟାଳୟରେ ହଜାର ହଜାର ଚାଷୀ ଏକଜୁଟ ହୋଇ ଏହାର ବିରୋଧ କରିଛନ୍ତି । ସଂଯୁକ୍ତ କିଷାନ ମୋର୍ଚ୍ଚାର ନେତା ରାକେଶ ଟିକାୟତ, ଗୁରୁନାମ ସିଂ ଚଢୁନୀ ଏବେ ଘଟଣା ସ୍ଥଳ ପହଂଚିବେ ବୋଲି ଜଣାପଡିଛି ।