ରାଜଧାନୀରେ ମାତିଛନ୍ତି ସୁନ୍ଦରୀ ଲୁଟେରା । ସୋସିଆଲ ମିଡ଼ିଆକୁ ମୋହରା କରି ବନ୍ଧୁତ୍ୱ ନାଁରେ ଲୁଟୁଛନ୍ତି ଲକ୍ଷ ଲକ୍ଷ ଟଙ୍କା ।
କନକ ବ୍ୟୁରୋ: ରାଜଧାନୀରେ ମାତିଛନ୍ତି ସାଇବର ସୁନ୍ଦରୀ । ଆଉ ସୋସିଆଲ ମିଡିରେ ବନ୍ଧୁତ୍ୱ କରି ବୟସ୍କ ଓ ଅନ୍ୟ ଲୋକଙ୍କୁ ଫସାଇଦେଉଛନ୍ତି । ଆଉ ଟଙ୍କା ନ ଦେଲେ ଭିଡିଓ ଭାଇରାଲର ଧମକ ଦେଉଛନ୍ତି । ଆଉ ଏଭଳି କରି ଲକ୍ଷ ଲକ୍ଷ ଠକୁଛନ୍ତି ସାଇବର ଠକ । ଏଭଳି ଅନେକ ଅଭିଯୋଗ ଏବେ ସାଇବର ହେଲ୍ପ ଡେସ୍କକୁ ଆସିଛି । ଦେଖନ୍ତୁ ଏହି ରିପୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ଏହା ହେଉଛି ସାଇବର ଠକେଇର ନୂଆ ତରିକା । ସୁନ୍ଦରୀ ଝିଅକୁ ମାଧ୍ୟମ କରି ସାଇବର ଠକ କରୁଛନ୍ତି ଠକେଇ । ଡିଜିଟାଲ ସୁନ୍ଦରୀଙ୍କ ଜାଲରେ ପଡି ଏଭଳି ଠକେଇର ଶିକାର ହେଉଛନ୍ତି ରାଜଧାନୀର ସିନିୟର ସିଟିଜନ ଯୁବକ, ବ୍ୟବସାୟୀ ତଥା ସମ୍ଭ୍ରାନ୍ତ ଶ୍ରେଣୀର ଲୋକ । ଆଉ ଏଭଳି ପୁଳାପୁଳା ଅଭିଯୋଗ ସାଇବର ହେଲ୍ପ ଡେସ୍କକୁ ଆସିଛି ।
ଅଧରାତିରେ ହଠାତ୍ ସୋସିଆଲ ମିଡିଆରେ ସୁନ୍ଦରୀଙ୍କ ବନ୍ଧୁତ୍ୱ ପାଇଁ ରିକ୍ୱେଷ୍ଟ ଆସୁଛି । ଏହାପରେ ଅନଲାଇନରେ ବନ୍ଧୁତା କରି ନିବିଡ ହେଉଛନ୍ତି । ପରେ ଭିଡିଓ କଲ କରି ଅଶ୍ଲୀଳ ଭିଡିଓ କରୁଛନ୍ତି । ଏହାପରେ ଟଙ୍କା ନ ଦେଲେ ଭାଇରାଲ କରିବାକୁ ଧମକ ଦେଉଛନ୍ତି ।
ସାଇବର ଥାନାକୁ ଗତ ୪ ମାସ ମଧ୍ୟରେ ଡେବିଟ କାର୍ଡ ଏକ୍ସପାରି ହୋଇଛି କହି ୧୨ଶହଟି କେଶ ଓ କ୍ରେଡିଟ କାର୍ଡ ନେଇ ୫୦୦ଟି ମାମଲା ରୁଜୁ ହୋଇଛି । ବୟସ୍କଙ୍କୁ କ୍ରେଡିଟ କାର୍ଡ ଏକ୍ସପାରି ହୋଇଛି କହି ଲୁଟିଛନ୍ତି ଲକ୍ଷାଧିକ ଟଙ୍କା । କ୍ୟାସ ବ୍ୟାକ୍ ନାଁରେ ୪ ମାସରେ ୨ଶହ ଲୋକ ଠକେଇର ଶୀକାର ହୋଇଛନ୍ତି । ଲଟେରୀ ଜିତିଛନ୍ତି ନାଁରେ ୬୦ଟି କଲ ଆସିଛି ।
ସବୁଠାରୁ ସାଂଘାତିକ କଥା ହେଲା ସ୍କ୍ରିନ ସେୟାରିଂ ଆପ ମାଧ୍ୟମରେ ଲୋକଙ୍କୁ ଲୁଟିଥିବାର ପାଖାପାଖି ୩ ଶହ ଅଭିଯୋଗ ଆସିଛି । ଗୋଟିଏ ଆପ୍ ଇନଷ୍ଟଲ କରିବାକୁ କହୁଛନ୍ତି ଠକ । ଆଉ ଏହା ଇନଷ୍ଟଲ ହେବା ପରେ ଫୋନରେ ସମସ୍ତ କଂଟ୍ରୋଲ ନେଇଯାଇ କରୁଛନ୍ତି ଟଙ୍କା ହଡପ ।
ବ୍ଲାକମେଲିଂ କରି ସୁନ୍ଦରୀ ଲୁଟେରା ଲକ୍ଷ ଲକ୍ଷ ଟଙ୍କା ଠକୁଛନ୍ତି । କିନ୍ତୁ ଲୋକଲଜ୍ଜା ଭୟରେ ଅନେକ ଥାନାରେ ଏତଲା ଦେଉନାହାନ୍ତି । ଅନେକ କ୍ଷେତ୍ରରେ କାର୍ଯ୍ୟାନୁଷ୍ଠାନ ନହେବା ଫଳରେ ଅଧିକ ମାତୁଛନ୍ତି ଡିଜିଟାଲ ସୁନ୍ଦରୀ ।