ଭାରତ-ଚୀନ୍ କମାଣ୍ଡରସ୍ତରୀୟ ଆଲୋଚନାରୁ ବାହାରି ପାରିଲାନି ନିଷ୍କର୍ସ : ଭାରତ କହିଲା, ଶାନ୍ତି ବଜାୟ ପାଇଁ ପଛକୁ ହଟିଯାଉ ଚୀନ୍
ଏକପାଖିଆ ଅନୁପ୍ରବେଶରୁ ସୃଷ୍ଟି ହେଉଛି ସୀମା ବିବାଦ; ପ୍ରସ୍ତାବରେ ରାଜି ହେଲେନି ଚୀନ୍ ପ୍ରତିନିଧି ମଣ୍ଡଳ
କନକ ବ୍ୟୁରୋ : ଭାରତ-ଚୀନ୍ କଥାବାର୍ତାରୁ ବାହାରିନି କୌଣସି ନିଷ୍କର୍ସ । ଗତକାଲି ସାଢେ ୮ ଘଂଟା ହୋଇଥିବା ୧୩ ତମ କମାଣ୍ଡରସ୍ତରୀୟ କଥାବାର୍ତା ବିଫଳ ହୋଇଛି । ବୈଠକରେ ଚୀନକୁ କଡା ସନ୍ଦେଶ ଦେଇଛି ଭାରତ । ଭାରତ କହିଛି, ଏଲଏସିରେ ଏପରି ପରିସ୍ଥିତି ଚୀନ୍ ପକ୍ଷରୁ ହୋଇଥିବା ଏକପାଖିଆ ଅନୁପ୍ରବେଶରୁ ସୃଷ୍ଟି ହୋଇଛି । ଯାହାକି ଦୁଇ ଦେଶ ମଧ୍ୟରେ ହୋଇଥିବା ଚୁକ୍ତିର ଉଲ୍ଲଙ୍ଘନ । ଭାରତୀୟ ସେନା ପକ୍ଷରୁ ବୟାନ ଜାରି କରି ଏପରି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ସେନା ପକ୍ଷରୁ କୁହାଯାଇଛି ଯେ, ପୂର୍ବ ଲଦାଖ ସେକ୍ଟରରେ ଚାଲିଥିବା ବିବାଦ ଶେଷ କରିବା ନେଇ ଆଲୋଚନା ହୋଇଥିଲା । ଭାରତ ସିଧାସିଧା କହିଥିଲା, ଶାନ୍ତି ବଜାୟ ପାଇଁ ପାଇଁ ଚୀନ୍ ପଛକୁ ହଟିଯାଉ । ହେଲେ ଚୀନ୍ ପ୍ରତିନିଧି ମଣ୍ଡଳ ଏହି ପ୍ରସ୍ତାବରେ ରାଜି ହୋଇନଥିଲେ । ଫଳରେ ବୈଠକରୁ କୌଣସି ନିଷ୍କର୍ସ ବାହାରିପାରିନାହିଁ । ଯୋଗାଯୋଗ ରକ୍ଷା କରିବା ଉପରେ ଉଭୟ ପକ୍ଷ ମଧ୍ୟରେ ସହମତି ହୋଇଛି ।