ସୂର୍ଯ୍ୟମନ୍ଦିରରେ ଢିଲା ସୁରକ୍ଷା! ଅସନ୍ତୁଷ୍ଟ ପର୍ଯ୍ୟଟକ କହିଲେ, ମନ୍ଦିର ଚାରିପଟେ ନାହାନ୍ତି ସୁରକ୍ଷା କର୍ମୀ, ପ୍ରବେଶ ପଥରେ କାମ କରୁନି ମେଟାଲ ଡିଟେକ୍ଟର । କେନ୍ଦ୍ରକୁ ଦୋଷ ଦେଲା ରାଜ୍ୟ ।
କନକ ବ୍ୟୁରୋ: ପୁଣି ଚର୍ଚ୍ଚାରେ ବିଶ୍ୱ ଐତିହ୍ୟ କୋଣର୍କ ସୂର୍ଯ୍ୟ ମନ୍ଦିର । ମନ୍ଦିରରେ ଢିଲା ସୁରକ୍ଷା ବ୍ୟବସ୍ଥା । ମନ୍ଦିର ଚାରିପଡେ ସୁରକ୍ଷା କର୍ମୀ ନଥିବା ବେଳେ ପ୍ରବେଶପଥରେ କାମ କରୁନି ମେଟାଲ ଡିଟେକ୍ଟର । ଅସୁରକ୍ଷିତ ସୂର୍ଯ୍ୟ ମନ୍ଦିର ଏଠି ଅସୁରକ୍ଷିତ ପର୍ଯ୍ୟଟକ । ଏଭଳି ଘଟଣା ପଦାକୁ ଆସିବା ପରେ ଉଦବେଗ ପ୍ରକାଶ କରିଛନ୍ତି ମନ୍ତ୍ରୀ ସମୀର ଦାସ ।
Kanak News is now on WhatsApp
Join and get latest news updates delivered to you via WhatsApp
କୋଣାର୍କ ସୂର୍ଯ୍ୟ ମନ୍ଦିରର ରକ୍ଷଣାବେକ୍ଷଣକୁ ସାରା ଦେଶରେ ଚର୍ଚ୍ଚା ଜୋର ଧରିଥିବା ବେଳେ ଏବେ ସାମ୍ନାକୁ ଆସିଛି ମନ୍ଦିରର ଢିଲା ସୁରକ୍ଷା ବ୍ୟବସ୍ଥା । ଆତଙ୍କବାଦୀ ଆକ୍ରମଣ ଆଶଙ୍କା କରି ଦେଶର ବିଭିନ୍ନ ଐତିହ୍ୟ ସ୍ଥଳିରେ ସୁରକ୍ଷା ବ୍ୟବସ୍ଥାକୁ କଡା କଡି କରାଯାଇଥିବା ବେଳେ କୋଣାର୍କରେ ବ୍ୟତିକ୍ରମ ଦେଖିବାକୁ ମିଳିଛି । କୋଣାର୍କ ମନ୍ଦିରର ସୂକ୍ଷ୍ମ କାରୁକାର୍ଯ୍ୟ ଦେଖିବା ପାଇଁ ଦେଶ ବିଦେଶରୁ ହଜାର ହଜାର ପର୍ଯ୍ୟଟକ ଆସୁଥିବା ବେଳେ ମନ୍ଦିର ଚାରିପଟେ ନାହାନ୍ତି ସୁରକ୍ଷାକର୍ମୀ । ମନ୍ଦିରର ପ୍ରବେଶ ପଥରେ ଯାଂଚ ପାଇଁ ଥିବା ମେଟାଲ ଡିଟେକ୍ଟର ବି କାମ କରୁନାହିଁ । ତେଣୁ ଯେକୌଣସି ବ୍ୟକ୍ତି ୪୦ ଟଙ୍କାର ଟିକଟ କାଟି ଯେ କୌଣସି ସାମଗ୍ରୀ ଧରି ଅବାଧରେ ମନ୍ଦିର ଭିତରକୁ ପ୍ରବେଶ କରିପାରୁଛନ୍ତି । ଏହାକୁ ନେଇ ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ବିଶ୍ୱ ଐତିହ୍ୟ କୋଣର୍କ କୋଣାର୍କର ଢିଲା ସୁରକ୍ଷା ବ୍ୟବସ୍ଥାକୁ ନେଇ କେନ୍ଦ୍ର ସରକାର ଏବଂ ଏଏସଆଇ ଉପରେ ଅସନ୍ତୋଷ ପ୍ରକାଶ କରିଛନ୍ତି ମନ୍ତ୍ରୀ ସମୀର ଦାସ । କହିଛନ୍ତି କେନ୍ଦ୍ର ସରକାର ଏବଂ ଏଏସଆଇ କୋଣାର୍କ ପ୍ରତି ଅବହେଳା କରୁଥିବା ବେଳେ ତୁରନ୍ତ ସୁରକ୍ଷା ଯୋଗାଇ ଦିଅନ୍ତୁ ବୋଲି ମନ୍ତ୍ରୀ ଦାବି କରିଛନ୍ତି ।