କୁମ୍ଭମେଳାକୁ ପ୍ରତିକାତ୍ମକ କରିବାକୁ ପ୍ରଧାନମନ୍ତ୍ରୀଙ୍କ ଅନୁରୋଧ : ଜୁନା ଆଖଡାର ସ୍ୱାମୀ ଅଭଦେଶାନନ୍ଦଙ୍କ ସହ ଫୋନରେ କଥା ହେଲେ ମୋଦୀ

133

କନକ ବ୍ୟୁରୋ : ଦେଶରେ କରୋନା ଦ୍ବିତୀୟ ଲହର ଦ୍ରୁତ ବେଗରେ ବ୍ୟାପିବାରେ ଲାଗିଛି । ପ୍ରତିଦିନ ଦୁଇ ଲକ୍ଷରୁ ଅଧିକ ନୂଆ ଆକ୍ରାନ୍ତ ଚିହ୍ନଟ ହେଉଛନ୍ତି । କରୋନା ସଂକ୍ରମଣର ବୃଦ୍ଧି ହେତୁ ଦେଶର ଡାକ୍ତରଖାନାଗୁଡ଼ିକର ଅବସ୍ଥା ବିଗିଡି ଯାଇଛି । ଦେଶରେ ଭେଣ୍ଟିଲେଟର, ଏବଂ ଅମ୍ଳଜାନର ଅଭାବ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବର୍ତ୍ତମାନ କୁମ୍ଭ ମେଳାକୁ ନେଇ ନୀରବତା ଭାଙ୍ଗିଛନ୍ତି ।

ବିଶ୍ୱ ପ୍ରସିଦ୍ଧ କୁମ୍ଭ ମେଳାକୁ ପ୍ରତିକାତ୍ମକ କରିବା ପାଇଁ ପ୍ରଧାନମନ୍ତ୍ରୀଙ୍କ ଅନୁରୋଧ । ହରିଦ୍ୱାରରେ ଚାଲିଥିବା କୁମ୍ଭମେଳା ପାଲଟିଛି କରୋନା ସଂକ୍ରମଣର କେନ୍ଦ୍ର । ହଜାର ବଜାର ସାଧୁ, ସନ୍ଥ ଓ ଶ୍ରଦ୍ଧାଳୁ କରୋନା ପଜିଟିଭ ଚିହ୍ନଟ ହେବାପରେ ଜୁନା ଆଖଡା ମୁଖ୍ୟଙ୍କ ସହ ଫୋନରେ କଥା ହେଇଛନ୍ତି ମୋଦି । ଆଚାର୍ଯ୍ୟା ଅଭଦେଶାନନ୍ଦ ଗିରିଙ୍କ ସଗ କଥା ହୋଇ ମୋଦି କହିଛନ୍ତି, ଦୁଇଟି ସାହି ସ୍ନାନ ହୋଇସାରିଛି । ଏବେ କୁମ୍ଭ ମେଳାକୁ କରୋନା ସଂକ୍ରମଣର ବିପଦ ବଢିବାରେ ଲାଗିଛି । ତେଣୁ ଆଗକୁ କୁମ୍ଭ ମେଳାକୁ କେବଳ ପ୍ରତିକାତ୍ମକ ଆକାରରେ ରଖିବାକୁ ଅନୁରୋଧ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଫଳରେ କରୋନା ସଂକ୍ରମଣ ବିରୋଧୀ ଲଢେଇକୁ ବଳ ମିଳିବ ବୋଲି କହିଛନ୍ତି ମୋଦି । ଏପିରିକି ଏନେଇ ଟ୍ୱିଟ କରି ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ମୋଦି ।

ଏହାର ଜବାବ ରଖିଛନ୍ତି ଜୁନା ଆଖଡା ମୁଖ୍ୟ ସ୍ୱାମୀ ଅଭଦେଶାନନ୍ଦ । ଟ୍ୱିଟ କରି କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନକୁ ସେ ସ୍ୱାଗତ କରିଛନ୍ତି । ଜୀବନ ରକ୍ଷା କରିବା ବିଶେଷ ଗୁରୁତ୍ୱପୂର୍ଣ୍ଣ । ତେଣୁ ସେ କୁମ୍ଭ ମେଳାକୁ ଅଧିକ ସଂଖ୍ୟାରେ ନ ଆସିବାକୁ ଅନୁରୋଧ କରିଛନ୍ତି । କରୋନା ସଂକ୍ରମଣକୁ ଦେଖି ସାହି ସ୍ନାନ ପାଇଁ କେହି ନଆସିବାକୁ ଅନୁରୋଧ କରିବା ସହତ ସମସ୍ତ କରୋନା ନିୟମର ପାଳନ କରିବାକୁ ସେ ଅପିଲ କରିଛନ୍ତି ।