ବାରବାଟୀରେ ଆଜି ଭାରତ ଓ ୱେଷ୍ଟଇଣ୍ଡିଜ କଡା ଟକ୍କର : ରେକର୍ଡ ଆଶାରେ ଟିମ ଇଣ୍ଡିଆର ବୋଲର କୁଲଦୀପ ଯାଦବ
ଆଜି ବାରବାଟୀ ମୁକାବିଲା । ଦିନିକିଆ ଶୃଙ୍ଖଳାର ନିର୍ଣ୍ଣାୟକ ମ୍ୟାଚ ପାଇଁ ପଡିଆକୁ ଓହ୍ଲାଇବେ ଭାରତ ଓ ୱେଷ୍ଟଇଣ୍ଡିଜ । ଆଜିର ମ୍ୟାଚ ଜିଣି ଶୃଙ୍ଖଳା ହାତେଇବାକୁ ଉଭୟ ଦଳ ପ୍ରୟାସ କରିବେ । ବାରବାଟୀ ଦିନିକିଆରେ ଟିମ ଇଣ୍ଡିଆର ଚାଇନାମ୍ୟାନ ବୋଲର କୁଲଦୀପ ଯାଦବ ଖାସ ରେକର୍ଡ କରିପାରନ୍ତି । ୱେଷ୍ଟଇଣ୍ଡିଜ ବିପକ୍ଷ ମ୍ୟାଚରେ ଗୋଟିଏ ୱିକେଟ ହାସଲ କଲେ କୁଲଦୀପ ଏକଦିବସୀୟ କ୍ରିକେଟରେ ଶହେ ୱିକେଟ ପୂରଣ କରିବେ ।
Kanak News is now on WhatsApp
Join and get latest news updates delivered to you via WhatsApp
ଆଉ ଆଜି କୁଲଦୀପ ୱିକେଟ ପାଇଲେ ଦିନିକିଆରେ ଦ୍ରୁତତମ ଶହେ ୱିକେଟ ଦଖଲକାରୀ ଭାରତୀୟ ଭାବେ ମହମ୍ମଦ ସାମିଙ୍କ ରେକର୍ଡ କାଟିପାରିବେ । ଏବେ ମହମ୍ମଦ ଶାମୀ ୫୮ ଦିନିକିଆ ଖେଳି ଦ୍ରୁତତମ ଶହେ ୱିକେଟ ହାସଲ କରି ପ୍ରଥମ ସ୍ଥାନରେ ରହିଛନ୍ତି । ସେହିପରି ବର୍ତମାନ କୁଲଦୀପ ୫୪ଟି ଦିନିକିଆ ଖେଳି ୯୯ଟି ୱିକେଟ ପାଇ ଶତକ ଅପେକ୍ଷାରେ ରହିଛନ୍ତି । ଭାଇଜାଗ ଦିନିକିଆରେ କୁଲଦୀପ ହ୍ୟାଟ୍ରିକ ସଫଳତା ଅର୍ଜନ କରିଥିଲେ । ଦିନିକିଆ ମ୍ୟାଚରେ ଦୁଇଥର ହ୍ୟାଟ୍ରିକ ହାସଲ କରିଥିବା ପ୍ରଥମ ଖେଳାଳି ହେଉଛନ୍ତି କୁଲଦୀପ ।