ପାକିସ୍ତାନ: କୁଳଭୂଷଣ ଯାଦବ ମାମଲାରେ ଓକିଲ ନିଯୁକ୍ତି ପ୍ରସଙ୍ଗ, ଅକ୍ଟୋବର ୫ ତାରିଖ ଯାଏଁ ଶୁଣାଣି ସ୍ଥଗିତ
କନକ ବ୍ୟୁରୋ : ପାକିସ୍ତାନ ଜେଲରେ ବନ୍ଦୀ ଥିବା ଭାରତୀୟ କୁଳଭୂଷଣ ଯାଦବଙ୍କ ମାମଲାରେ କୁଳଭୂଷଣଙ୍କ ପକ୍ଷରୁ ଓକିଲ ନିଯୁକ୍ତି ପ୍ରସଙ୍ଗ । ଏହି ପ୍ରସଙ୍ଗରେ ପାକିସ୍ତାନର ଏକ ଅଦାଲତ ଦେଶର ଶେଷ ବିଧି ଅଧିକାରୀଙ୍କ ଅନୁରୋଧ କ୍ରମେ ଓଳିଲ ନିଯୁକ୍ତ କରିବା ନେଇ ସରକାରଙ୍କ ଯାଚିକା ଉପରେ ଶୁଣାଣିକୁ ଅକ୍ଟୋବର ୫ ତାରିଖ ଯାଏଁ ସ୍ଥଗିତ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଭାରତୀୟ ନୌସେନାର ଅବସରପ୍ରାପ୍ତ ଅଧିକାରୀ ୫୦ ବର୍ଷିୟ କୁଳଭୂଷଣ ଯାଦବଙ୍କୁ ପାକିସ୍ତାନ ସେନା ଅଦାଲତ ଗୁପ୍ତଚର ଓ ଆତଙ୍କବାଦ ଅଭିଯୋଗରେ ୨୦୧୭ ଏପ୍ରିଲ ମାସରୁ ଦୋଷୀ ସାବ୍ୟସ୍ତ କରି ମୃତଦଣ୍ଡ ଭଳି ସଜା ଶୁଣାଇଛି । ଏନେଇ ଭାରତ ତରଫରୁ ଆର୍ନ୍ତଜାତୀୟ କୋର୍ଟରେ ମାମଲା ପହଂଚାଇବା ପରେ ଆଇସିଜେ ଏହା ଉପରେ ରୋକ୍ ଲଗାଇଥିଲା । ଏନେଇ ୨୦୧୯ ରେ ଆଇସିଜେ କହିଥିଲା କି କୁଳଭୂଷଣଙ୍କ ମାମଲାରେ ପୁନଃବିଚାର କରୁ ପାକିସ୍ତାନ କୋର୍ଟ । ଏହାସହ ବିନା ଡେରିରେ କୁଳଭୂଷଣଙ୍କ ପାଇଁ ଭାରତୀୟ କୂଟନୀତିଜ୍ଞ ଉପଲବ୍ଧ କରାଇବାକୁ ଆଇସିଜେ ନିର୍ଦ୍ଦେଶ ଦେଇଥିଲା ।
ଆର୍ନ୍ତଜାତୀୟ ଗଣମାଧ୍ୟମର ଖବର ମୁତାବକ ଇସଲାମାବାଦ ଉଚ୍ଚ ନ୍ୟାୟାଳୟ ପାକିସ୍ତାନର ଆର୍ଟନୀ ଜେନରାଲ ଖାଲିଜ ଜାବେଦ ଖାନଙ୍କ ଅନୁରୋଧ କ୍ରମେ ଯାଦବଙ୍କ ପାଇଁ ଓକିଲ ନିଯୁକ୍ତ କରିବା ନେଇ ସରକାରଙ୍କ ଯାଚିକା ଉପରେ ଶୁଣାଣିକୁ ଅକ୍ଟୋବର ୫ ତାରିଖ ପର୍ଯ୍ୟନ୍ତ ସ୍ଥଗିତ ରଖିଛନ୍ତି । ଇସଲାମାବାଦ ଉଚ୍ଚ ନ୍ୟାୟାଳୟ ଭାରତୀୟ ଉଚ୍ଚ ଆୟୋଗ ଓକିଲଙ୍କୁ ଶୁଣାଣିର ପରବର୍ତ୍ତୀ ତାରିଖ ଉପରେ ଅଦାଲତରେ ହାଜର ହେବାକୁ ନୋଟିସ ବି ଜାରି କରିଛନ୍ତି ।
କହିରଖୁ କି ଏହା ପୂର୍ବରୁ ମେ ୭ ତାରିଖରେ ହୋଇଥିବା ଶୁଣାଣିରେ ଆଇସିର ଏକ ପୀଠ ଯାଦଙ୍କ ମାମଲାରେ ଓକିଲ ନିଯୁକ୍ତ କରିବାକୁ ଜୁନ ୧୫ ତାରିଖ ପର୍ଯ୍ୟନ୍ତ ସମୟ ଦେଇଥିଲେ । ଏହି ଖଣ୍ଡପୀଠରେ ଜ୍ମୃିସ୍ ଅତହର ମିନଲ୍ଲାହ, ଜଷ୍ଟିସ ଓମେର ଫାରୁକ୍ ଓ ଜଷ୍ଟିସ ମିୟାଁଗୁଲ ହସନ ଓରଙ୍ଗଜେବ ଏହି ଖଣ୍ଡପୀଠରେ ସାମିଲ ଅଛନ୍ତି ।