ଗଂଜାମ : ବିଜେଡି କାଉନସିଲର ହତ୍ୟା ଘଟଣାରେ ଏବେ ବି ପୁଲିସର ହାତ ଖାଲି ! ବିଜେପିରେ ଯୋଗ ଦେଇଥିବା ନେତାଙ୍କ ଆଡକୁ ଇସାରା କଲେ ସ୍ଥାନୀୟ ବିଜେଡି ନେତା
କନକ ବ୍ୟୁରୋ : ବିହାର ,ୟୁପି ଭଳି ଓଡିଶାରେ ଅବସ୍ଥା । ସେ ବି ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ । ଦିନ ଦ୍ୱିପହରରେ ଖଣ୍ଡାରେ ହାଣି ହତ୍ୟା କରାଯିବାର ଏହି ଖବର ଓଡିଶାର ରାଜନୈତିକ ହିଂସାକାଣ୍ଡ କେଉଁ ସ୍ତରକୁ ଯାଇପାରେ , ତାହାକୁ ଖୋଲା ଖୋଲି ବୟାନ କରୁଛି । ଏହି ଘଟଣା ପରେ ସବୁଠାରୁ ବଡ ପ୍ରଶ୍ନ ହେଉଛିି କିଏ ଭିଆଇଲା ଏଭଳି ନୃଶଂସ ହତ୍ୟାକାଣ୍ଡ । ଦିନ ଦ୍ୱିପହରରେ କାହା ଇସାରାରେ ଚାଲିଲା ଖଣ୍ଡା ।
Kanak News is now on WhatsApp
Join and get latest news updates delivered to you via WhatsApp
ବିଧାୟକ ପ୍ରିୟାଂଶୁ ପ୍ରଧାନ ଇସାରା କରୁଛନ୍ତି ୬ମାସ ତଳେ ସିପିଆଇ ଦଳ ଛାଡି ବିଜେପିରେ ମିଶିଥିବା କୃଷ୍ଣ ନାୟକଙ୍କ ଆଡକୁ । କାରଣ ୨୦୧୪ରେ ସିପିଆଇ ଯୁବ ନେତା ସାକୁରା ବେହେରା ହତ୍ୟା ମାମଲାରେ ଷଡଯନ୍ତ୍ରକାରୀ ଭାବେ ମାମଲା ହୋଇଥିଲା ମୃତ ବିଜେଡି କାଉନସିଲର ଲକ୍ଷ୍ମୀ ଦତ୍ତ ପ୍ରଧାନଙ୍କ ବିରୋଧରେ । ତେବେ କୃଷ୍ଣ କହିଛନ୍ତି ସେ ସମସ୍ତ ତଦନ୍ତକୁ ସ୍ୱାଗତ କରୁଛନ୍ତି ।
ସେପଟେ ୩ଟି ଟିମ୍ ଗଠନ କରି ଗଂଜାମ ପୁଲିସ୍ ଅଭିଯୁକ୍ତ ମାନଙ୍କୁ ଧରିବା ପାଇଁ ପୁରା ଦମ୍ ଲଗାଇ ଦେଇଛି । କିନ୍ତୁ ଏ ଯାଏଁ ତାଙ୍କର ସୁରାଗ ପାଇପାରିନାହିଁ । ସେମାନେ ଗଂଜାମରେ ଅଛନ୍ତି ନା ବାହାର ରାଜ୍ୟକୁ ଚାଲିଯାଇଛନ୍ତି । ସେ ନେଇ ମଧ୍ୟ ଖୋଳତାଡ ଚାଲିଛି ।
କିନ୍ତୁ ଏହି ଘଟଣା ଓଡିଶାର ଆଇନ୍ ଶୃଙ୍ଖଳା ପରିସ୍ଥିତି ଉପରେ ଏକ ବଡ ପ୍ରଶ୍ନ ଚିହ୍ନ ଲଗାଇ ଦେଇଛି । ଦିନ ଦ୍ୱିପରରେ ଡଜନେ ଲୋକ ଆସି ଖଣ୍ଡାରେ ହାଣି ହତ୍ୟା କରିବେ ଏବଂ କୁଆଡେ ଫେରାର୍ ହୋଇଯିବେ , ଏହାକୁ ଏକ ସଭ୍ୟ ସମାଜ ଗ୍ରହଣ କରିପାରିବ ନାହିଁ ।