ନିର୍ବାଚନ ମୈଦାନକୁ ଓହ୍ଲାଇଲେ କୋରେଇ ବିଜେପି ବିଧାୟକ ପ୍ରାର୍ଥୀ ଆକାଶ ଦାସ ନାୟକ । ମାଆ ବିରଜାଙ୍କ ପୂଜାର୍ଚ୍ଚନ ପରେ ପ୍ରଚାର ଆରମ୍ଭ
କନକ ବ୍ୟୁରୋ : ମା’ ବିରଜାଙ୍କ ଦର୍ଶନ କରି ପ୍ରଚାର ମୈଦାନକୁ ଓହ୍ଲାଇଲେ ଆକାଶ ଦାସ ନାୟକ । ନିର୍ବାଚନ ତାରିଖ ଘୋଷଣା ସହ ବିଭିନ୍ନ ଦଳ ପକ୍ଷରୁ ପ୍ରାର୍ଥୀ ଘୋଷଣା ପରେ ପ୍ରଚାର ଜୋର ଧରିଛି । ଯାଜପୁର ଜିଲ୍ଲାର କୋରେଇ ନିର୍ବାଚନ ମଣ୍ଡଳୀରେ ପ୍ରାର୍ଥୀ ଚୟନକୁ ନେଇ ବିଜେଡି ଓ କଂଗ୍ରେସର ଅଙ୍କ ଛିଡୁ ନଥିବା ବେଳେ ବିଜେପିର କୋରେଇ ବିଧାୟକ ପ୍ରାର୍ଥୀ ଆକାଶ ଦାସ ନାୟକ ପ୍ରଚାର ଆରମ୍ଭ କରିଛନ୍ତି । ଆକାଶ ଦାସ ନାୟକ ନିଜର ସମର୍ଥକମାନଙ୍କ ସହ ଅଧିଷ୍ଠାତ୍ରୀ ଦେବୀ ମା ବିରଜାଙ୍କୁ ଦର୍ଶନ କରି ଆର୍ଶୀବାଦ ନେବା ସହ ପ୍ରଚାର ମୈଦାନକୁ ଓହ୍ଲାଇଛନ୍ତି । ଆକାଶ ପୂର୍ବରୁ କୋରେଇର ବିଧାୟକ ଭାବେ କାର୍ଯ୍ୟ କରି ଲୋକଙ୍କ ପ୍ରିୟ ହୋଇଥିବା ବେଳେ ଚଳିତ ନିର୍ବାଚନରେ ମଧ୍ୟ ତାଙ୍କୁ ଜନ୍ମ ମାଟିରେ ଜନସାଧାରଣ ଭରସା କରିବେ ବୋଲି ସେ ଆଶାବାଦୀ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବିଜେଡି ଛାଡି ବିଜେପିରେ ମିଶିବା ପରେ କୋରେଇ ନିର୍ବାଚନ ମଣ୍ଡଳୀ ପାଇଁ ଆକାଶ ଦାସ ନାୟକ ବିଜେପିରୁ ଟିକେଟ ପାଇଛନ୍ତି । କୋରେଇର ପୂର୍ବତନ ବିଧାୟିକା ସଂଚିତା ମହାନ୍ତି ଓ ତାଙ୍କ ସମର୍ଥକ ଆକାଶଙ୍କୁ ସ୍ୱାଗତ କରିଛନ୍ତି । ବ୍ୟାସନଗର ପୌର ପରିଷଦ ମୁଣ୍ଡମାଳ ସ୍ଥିତ ବିଜେପି କାର୍ଯ୍ୟାଳୟରେ ଦଳୀୟ କର୍ମୀ ମାନଙ୍କୁ ଭେଟିଛନ୍ତି ଆକାଶ । କୋରେଇ ନିର୍ବାଚନ ମଣ୍ଡଳୀର ସମସ୍ତେ ବିଜେପି କାର୍ଯ୍ୟକର୍ତା ଏକଜୁଟ ହୋଇ ନିର୍ବାଚନ ବୈତରଣୀ ପାର ହେବା ବୋଲି ବିଜେପି ନେତ୍ରୀ ସଂଚିତା ମହାନ୍ତି କହିଛନ୍ତି ।