ଅବିଭକ୍ତ କୋରାପୁଟରେ କଂଗ୍ରେସର ଶକ୍ତି ପ୍ରଦର୍ଶନ : ବିରାଟ ରାଲି କରି ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ ଟାର୍ଗେଟ କଲେ ପିସିସି ସଭାପତି

କନକ ବ୍ୟୁରୋ : ଅବିଭକ୍ତ କୋରାପୁଟ ଜିଲ୍ଲାରେ ଶକ୍ତି ପ୍ରଦର୍ଶନ କରିଛି ରାଜ୍ୟ କଂଗ୍ରେସ । ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ପିସିସି ସଭାପତି ଶରତ ପଟ୍ଟନାୟକ । କହିଛନ୍ତି, ଓଡ଼ିଶାର ବିକାଶ ପାଇଁ ଏକମାତ୍ର ବିକଳ୍ପ ହେଉଛି କଂଗ୍ରେସ । ରାଜ୍ୟ ସରକାର ଦେଇଥିବା କୌଣସି ପ୍ରତିଶ୍ରୁତି ପାଳନ କରିନାହାଁନ୍ତି ।

୨ଲକ୍ଷ ରୋଜଗାର, ୩୧୪ ବ୍ଲକକୁ ଜଳ ଯୋଗାଣ, ୧୨ ହଜାର ସ୍କୁଲ ଗୃହ ନିର୍ମାଣ ପାଇଁ ପ୍ରତିଶ୍ରୁତି ଦେଇଥିଲେ । ହେଲେ ପ୍ରତିଶ୍ରୁତି ପୁରଣ କରିନାହାଁନ୍ତି ବୋଲି ଅଭିଯୋଗ କରିଛନ୍ତି ଶରତ ପଟ୍ଟନାୟକ । ଆଜି ବି ୧୬ ଲକ୍ଷ ଲୋକ ଖାଇବାକୁ ପାଉନାହାଁନ୍ତି ବୋଲି ଅଭିଯୋଗ କରିଛନ୍ତି ପିସିସି ସଭାପତି । ସେହିପରି କେନ୍ଦ୍ର ସରକାରଙ୍କୁ ମଧ୍ୟ ସମାଲୋଚନା କରିଛନ୍ତି ଶରତ ପଟ୍ଟନାୟକ । ୨ ଦିନିଆ ଅବିଭକ୍ତ କୋରାପୁଟ ଜିଲ୍ଲା ଗସ୍ତରେ ଅଛି ରାଜ୍ୟ କଂଗ୍ରେସର ଟିମ୍ ।

ପିସିସି ସଭାପତି ଶରତ ପଟ୍ଟନାୟକ, ରାଜ୍ୟ ପ୍ରଭାରୀ ଚେଲ୍ଲା କୁମାର, କେ ରାଜୁ, ପିସିସି ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ, ଜୟପୁର ବିଧାୟକ ତାରାବହିନୀପତି ପ୍ରମୁଖ ଏହି ଟିମରେ ସାମିଲ ଅଛନ୍ତି । ଗତକାଲି ଲକ୍ଷ୍ମୀପୁର ଗସ୍ତ ସାରି ଆଜି ମାଲକାନଗିରିରେ ଜନ ସମାବେଶ କରିଛନ୍ତି । ଏହା ପୂର୍ବରୁ ଜୟପୁର ସହରରେ ବିରାଟ ରାଲି କରି ନିଜର ଶକ୍ତି ପ୍ରଦର୍ଶନ କରିଛି କଂଗ୍ରେସ ଦଳ ।