କୋରାପୁଟ : କୋରାପୁଟ ଜିଲ୍ଲାପାଳ ୧୧ ଜଣ କ୍ଲର୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର କରି ଜିଲ୍ଲାର ବିଭିନ୍ନ ସ୍ଥାନକୁ ବଦଳି କରିଛନ୍ତି । ଏହାକୁ ବିରୋଧ କରିଛନ୍ତି ଜିଲ୍ଲାର ସମସ୍ତ କିରାଣୀ । ନିଷ୍ପତି ପ୍ରତ୍ୟାହାର ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ସେମାନେ କହିଛନ୍ତି । କିରାଣୀମାନେ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି । ଜିଲାପାଳ ନିଜ ଜିଦରେ ଅଟଳ ଥିବା ବେଳେ ଅମଲା ମାନେ ଆନ୍ଦୋଳନ ଜାରି ରଖିଥିବାରୁ ସରକାରୀ କାର୍ଯ୍ୟରେ ବାଧା ସୃଷ୍ଟି ହେଉଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ହେଲିକପ୍ଟରକୁ ପଂଚାୟତ ନିର୍ବାଚନ ପୂର୍ବରୁ କୋରାପୁଟର ବୋରିଗୁମାରେ ଅବତରଣ ଅନୁମତି ଦେବା ପ୍ରସଂଗକୁ ନେଇ ବିବାଦ ଆରମ୍ଭ ହୋଇଥିଲା । ପ୍ରଥମେ ଜିଲ୍ଲାପାଳ ଏଭଳି ଅବତରଣକୁ ମନା କରିଥିଲେ । କିନ୍ତୁ ପରବର୍ତୀ ସମୟରେ ଏହି ଅନୁମତି ସ୍ଥାନୀୟ ଏଡିଏମଙ୍କ ଦ୍ୱାରା ଦିଆଯାଇଥିଲା । ପରେ ପ୍ରତିଶୋଧ ପରାୟଣ ହୋଇ ଏଡିଏମଙ୍କୁ ସମସ୍ତ ସରକାରୀ କାର୍ଯ୍ୟରୁ ଅବ୍ୟାହତି ଦେବା ସହ ୧୧ ଜଣ କିରାଣୀଙ୍କୁ ସସପେଣ୍ଡ କରିଥିଲେ କଲେକ୍ଟର ।
ଏହାର ପ୍ରତିବାଦରେ କୋରାପୁଟ ଜିଲ୍ଲାର ସମସ୍ତ କିରାଣୀ କାମ ଠପ୍ କରି ଆନ୍ଦୋଳନ ଆରମ୍ଭ କରିଥିଲେ । ଏବେ ଜିଲ୍ଲାପାଳ କିରାଣୀଙ୍କ ଉପରୁ ସସପେଣ୍ଡ ପ୍ରତ୍ୟାହର କରିଥିଲେ ମଧ୍ୟ ବଦଳି କରିଛନ୍ତି । ଯାହାକୁ ବିରୋଧ କରିଛନ୍ତି କିରାଣୀ ।